റോയല്‍ എന്‍ഫീല്‍ഡ് ബുള്ളറ്റ് 650 വിപണിയില്‍; അറിയാം ഫീച്ചറുകള്‍
പ്രമുഖ മോട്ടോര്‍സൈക്കിള്‍ നിര്‍മ്മാതാക്കളായ റോയല്‍ എന്‍ഫീല്‍ഡ് ബുള്ളറ്റ് 650 ഇന്ത്യയില്‍ പുറത്തിറക്കി
Royal Enfield Bullet 650 Launchedsource: Royal Enfield
Edited by :Dhanoj AM
Last Updated :2 ജൂൺ 2026, 12:44 pm IST
മുംബൈ: പ്രമുഖ മോട്ടോര്‍സൈക്കിള്‍ നിര്‍മ്മാതാക്കളായ റോയല്‍ എന്‍ഫീല്‍ഡ് ബുള്ളറ്റ് 650 ഇന്ത്യയില്‍ പുറത്തിറക്കി. ചെന്നൈയില്‍ 3.65 ലക്ഷം രൂപയാണ് എക്‌സ്-ഷോറൂം വില. ഈ മോട്ടോര്‍സൈക്കിള്‍ ബ്രാന്‍ഡിന്റെ ഐക്കണിക് ബുള്ളറ്റ് ബാഡ്ജിനെ 650cc പ്ലാറ്റ്ഫോമിലേക്ക് കൊണ്ടുവന്നിട്ടുണ്ട്. പുതിയ മോട്ടോര്‍സൈക്കിളിന്റെ പ്രധാന 5 സവിശേഷതകള്‍ താഴെ പറയുന്നവയാണ്.
648cc, എയര്‍/ഓയില്‍-കൂള്‍ഡ് പാരലല്‍-ട്വിന്‍ എന്‍ജിനാണ് ഇതിന് കരുത്തുപകരുന്നത്. ഈ എന്‍ജിന്‍ 47bhp കരുത്തും 52Nm ടോര്‍ക്കും ഉല്‍പ്പാദിപ്പിക്കുന്നു. കൂടാതെ സ്ലിപ്പ് ആന്‍ഡ് അസിസ്റ്റ് ക്ലച്ചുള്ള സിക്‌സ്-സ്പീഡ് ഗിയര്‍ബോക്സുമായാണ് എന്‍ജിനെ ബന്ധിപ്പിച്ചിരിക്കുന്നത്.
കൈകൊണ്ട് വരച്ച പിന്‍സ്‌ട്രൈപ്പുകള്‍ (pinstripes), മെറ്റല്‍ ബാഡ്ജിങ്, ടിയര്‍ഡ്രോപ്പ് ഫ്യുവല്‍ ടാങ്ക്, റൗണ്ട് ഹെഡ്ലാമ്പ്, ക്രോം ഫിനിഷുള്ള പീ-ഷൂട്ടര്‍ എക്സ്ഹോസ്റ്റുകള്‍ എന്നിവ പോലുള്ള ഡിസൈന്‍ ടച്ചുകളിലൂടെ ബുള്ളറ്റിന്റെ എക്കാലത്തെയും മികച്ച ശൈലി റോയല്‍ എന്‍ഫീല്‍ഡ് നിലനിര്‍ത്തിയിട്ടുണ്ട്. ഈ ഡിസൈന്‍ തന്നെയാണ് ഇതിന്റെ ഏറ്റവും വലിയ ആകര്‍ഷണം.
ഈ മോട്ടോര്‍സൈക്കിളില്‍ ഒരു ഡ്യുവല്‍-ക്രാഡില്‍ ഫ്രെയിമാണ് ഉപയോഗിച്ചിരിക്കുന്നത്. ഇതിന്റെ മുന്നില്‍ ടെലിസ്‌കോപ്പിക് ഫോര്‍ക്കും പിന്നില്‍ ട്വിന്‍ ഷോക്ക് അബ്‌സോര്‍ബറുകളും നല്‍കിയിരിക്കുന്നു. മുന്നില്‍ 19 ഇഞ്ചും പിന്നില്‍ 18 ഇഞ്ചും ഉള്ള സ്‌പോക്ക് വീലുകളിലാണ് ഇത് സഞ്ചരിക്കുന്നത്. ഇരുവശങ്ങളിലും ഡിസ്‌ക് ബ്രേക്കുകളും അതോടൊപ്പം ഡ്യുവല്‍-ചാനല്‍ ABS-ഉം ബ്രേക്കിങ് സുരക്ഷയ്ക്കായി ഒരുക്കിയിരിക്കുന്നു. കാനന്‍ ബ്ലാക്ക്, ബാറ്റില്‍ഷിപ്പ് ബ്ലൂ എന്നി രണ്ട് നിറങ്ങളിലാണ് റോയല്‍ എന്‍ഫീല്‍ഡ് ബുള്ളറ്റ് 650 അവതരിപ്പിച്ചിരിക്കുന്നത്.
News Now
ബംഗാളിലെ 'താരസുന്ദരി'; നടി രുക്മിണി മല്ലിക് ബിജെപിയില്‍
'എത്ര ചിരിച്ചാലും വയസ് കുറയില്ല, ആന്റി സ്‌റ്റേജും കഴിയാറായി'; പരിഹാസ കമന്റിന് മറുപടി നല്‍കി നവ്യ നായര്‍
മുഖ്യ തെരഞ്ഞെടുപ്പ് കമ്മീഷണറെ അടിയന്തരമായി സസ്പെൻഡ് ചെയ്യണമെന്ന ആവശ്യം തള്ളി സുപ്രീം കോടതി: കേന്ദ്രത്തിനും സിഇസിക്കും നോട്ടീസ്
കരുത്തുറ്റ 9000 എംഎഎച്ച് ബാറ്ററി, 200എംപി മെയിന്‍ കാമറ; വണ്‍പ്ലസ് 16 ലോഞ്ച് ഒക്ടോബര്‍ 12ന്
Summary
Royal Enfield Bullet 650 Launched
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
