ഹിറ്റ്​ലറുടെ ​മീശപോലുണ്ട്, പുതിയ ആപ്പ് ഐക്കണ് വിമർശനം; മാറ്റം വരുത്തി ആമസോൺ 

ന്യൂഡൽഹി: അഡോൾഫ്​ ഹിറ്റ്​ലറുടെ മീശയെന്ന ആരോപണത്തിന് പിന്നാലെ ആപ്പ് ഐക്കണിൽ മാറ്റം വരുത്തി ഇ-കൊമേഴ്സ് ഭീമൻ ആമസോൺ. മൊബൈൽ ഷോപ്പിങ്​ ആപ്പിന്റെ ഐക്കൺ ആണ് പുതിയ ഡിസൈനിൽ ആമസോൺ അവതരിപ്പിച്ചത്. 

കാർഡ്ബോർഡ് ബോക്സിൽ നീല റിബൺ ഒട്ടിച്ച രീതിയിലുള്ള പുതിയ ഐക്കൺ ജനുവരിയിലാണ് കമ്പനി പുറത്തിറക്കിയത്. അഞ്ച് വർഷത്തിനുള്ളിൽ ആമസോൺ ആപ്പ് ഐക്കണിൽ വരുത്തിയ ഏക മാറ്റമാണിത്. എന്നാൽ നീല റിബൺ കണ്ടതും ചിലർ ഇതിനെ ടൂത്ത്ബ്രഷ് പോലിരിക്കുന്ന ഹിറ്റ്ലറുടെ മീശ എന്നാണ് വിശേഷിപ്പിച്ചത്. 

സമൂഹമാധ്യമങ്ങളിലെ ചർച്ച വ്യാപകമായതിന് പിന്നാലെയാണ് ഐക്കണിൽ മാറ്റവരുത്താൻ ആമസോൺ തീരുമാനിച്ചത്. നീല നിറത്തിലെ റിബ്ബണിന്റെ ഒരു ഭാഗത്തേക്ക്​ മടക്കിയ നിലയിലാണ്​ പുതിയ ഐക്കൺ.