ആമസോണ്‍ സ്ഥാപകന്‍ ജെഫ് ബെസോസ് സിഇഒ സ്ഥാനം ഒഴിയും; അധികാര മാറ്റം ഈ വര്‍ഷം അവസാനത്തോടെ

ന്യൂയോർക്ക്: ആമസോൺ സ്ഥാപകൻ ജെഫ് ബെസോസ് സിഇഒ സ്ഥാനം ഒഴിയും. ഇനി എക്സിക്യുട്ടീവ് ചെയർമാനായിട്ടാവും ബെസോസ്  പ്രവർത്തിക്കുക. 

ആൻഡി ജാസ്സിയായിരിക്കും പുതിയ സിഇഒ. വെബ് സർവീസ് തലവനാണ് ആൻഡി. ഈ സാമ്പത്തിക വർഷത്തിൻറെ മൂന്നാം പാദത്തിൽ ആയിരിക്കും സ്ഥാനമാറ്റം നടക്കുക. 27 വർഷം മുൻപാണ് ജെഫ് ബെസോസ് ആമസോണിന് തുടക്കം കുറിച്ചത്. 

1995ൽ കമ്പനി സ്ഥാപിച്ചത് മുതൽ ബെസോസ് ആണ് സിഇഒ സ്ഥാനത്ത് പ്രവർത്തിച്ചിരുന്നത്. തുടർച്ചയായി മൂന്ന് പാദങ്ങളിൽ ലാഭം കൈവരിക്കുകയും വിൽപനയിൽ റെക്കോർഡിടുകയും ചെയ്തതിന് തൊട്ടുപിന്നാലെയാണ് ബെസോസിൻറെ തീരുമാനം.