സിഡിഎമ്മുകളില്‍ പണം നിക്ഷേപിക്കുന്നതും ഇനി ചെലവേറിയതാകും; പ്രത്യേക ഫീസ് ഏര്‍പ്പെടുത്തി ബാങ്കുകള്‍
ക്യാഷ് ഡെപ്പോസിറ്റ് മെഷീനുകളില്‍ പണം നിക്ഷേപിക്കുന്നവര്‍ക്ക് പ്രത്യേക ഫീസ് ഏര്‍പ്പെടുത്തി പ്രമുഖ സ്വകാര്യ ബാങ്ക് ഐസിഐസിഐ
പ്രതീകാത്മക ചിത്രം
Last Updated :20 January 2024, 8:32 am IST
ന്യൂഡല്‍ഹി: ക്യാഷ് ഡെപ്പോസിറ്റ് മെഷീനുകളില്‍ പണം നിക്ഷേപിക്കുന്നവര്‍ക്ക് പ്രത്യേക ഫീസ് ഏര്‍പ്പെടുത്തി പ്രമുഖ സ്വകാര്യ ബാങ്ക് ഐസിഐസിഐ. ഓരോ ഇടപാടിനും 50 രൂപയാണ് കണ്‍വീനിയന്‍സ് ഫീസ് എന്ന പേരില്‍ ഈടാക്കുന്നത്. അവധി ദിവസങ്ങളിലും ബാങ്ക് പ്രവൃത്തി സമയം കഴിഞ്ഞുമുളള ഇടപാടിനാണ് ഫീസ് ഈടാക്കുക.
ഇന്നലെ മുതല്‍ പുതിയ തീരുമാനം നടപ്പിലായി. ബാങ്ക് പ്രവൃത്തി സമയം കഴിഞ്ഞ് വൈകീട്ട് ആറുമണി മുതല്‍ പിറ്റേന്ന് രാവിലെ എട്ടുമണിവരെയുള്ള സമയത്ത് സിഡിഎമ്മുകളില്‍ പണം നിക്ഷേപിക്കുന്നവരില്‍ നിന്നുമാണ് പ്രത്യേക ഫീസ് ഈടാക്കുക. നിക്ഷേപിക്കുന്ന തുക നിശ്ചിത പരിധി കഴിഞ്ഞാലും കണ്‍വീനിയന്‍സ് ഫീസ് എന്ന പേരില്‍ തന്നെ പ്രത്യേക ഫീസ് ഈടാക്കും.
ഒരു മാസം 10000 രൂപ വരെ സിഡിഎം മെഷീനുകളില്‍ നിക്ഷേപിക്കുന്നതിന് ഫീസ് ഇല്ല. അതിന് മുകളിലുളള നിക്ഷേപത്തിന് കണ്‍വീനിയന്‍സ് ഫീസ് ഈടാക്കാനാണ് തീരുമാനം. ഇത് മുതിര്‍ന്ന പൗരന്മാര്‍ക്കും ബേസിക് സേവിങ്‌സ് ബാങ്ക് അക്കൗണ്ടുടമകള്‍ക്കും ജന്‍ധന്‍ അക്കൗണ്ടുടമകള്‍ക്കും ബാധകമല്ല. ആക്‌സിസ് ബാങ്ക് നിലവില്‍ തന്നെ ഇത്തരത്തില്‍ ചാര്‍ജ്ജ് ഈടാക്കുന്നുണ്ട്. സമാനമായ നടപടിയാണ് ഐസിഐസിഐ ബാങ്ക് സ്വീകരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
Jantar Mantar Protest: ഡല്‍ഹിയില്‍ വീണ്ടും പ്രതിഷേധം, റോഡില്‍ കുത്തിയിരുന്ന് പ്രതിഷേധിച്ച് വിദ്യാര്‍ഥികള്‍
വിലകൂടിയ ക്ലീനറുകൾ വേണ്ട; ജനൽച്ചില്ലുകൾ വെട്ടിത്തിളങ്ങാൻ വിനാഗിരിയും വെള്ളവും മതി!
'മൈത്രേയനെ കുറിച്ചുള്ള ട്രോളുകൾ കാണുമ്പോൾ ചിരി വരും; സ്റ്റിക്കർ ആണെങ്കിൽ വേണ്ട സമയത്ത് ഞങ്ങളും ഉപയോഗിക്കും'
ചെന്നൈ സൂപ്പർ കിങ്സ് ടീമിൽ വീണ്ടും വൻ മാറ്റം!
