എന്താണ് 24 മണിക്കൂര്‍ റൂള്‍?; പണം സേവ് ചെയ്യാന്‍ ഇതാ എട്ടുവഴികള്‍
പലരും വിശ്വസിക്കുന്നത് ഉയര്‍ന്ന ശമ്പളമാണ് കൂടുതല്‍ സമ്പാദിക്കാനുള്ള വഴിയെന്നാണ്.
money saving tips
Edited by :dhanojam
Last Updated :11 മേയ് 2026, 5:30 pm IST
പലരും വിശ്വസിക്കുന്നത് ഉയര്‍ന്ന ശമ്പളമാണ് കൂടുതല്‍ സമ്പാദിക്കാനുള്ള വഴിയെന്നാണ്. എന്നാല്‍ സാമ്പത്തിക അച്ചടക്കം, വ്യക്തമായ ലക്ഷ്യങ്ങള്‍, സ്ഥിരമായ ശീലങ്ങള്‍ എന്നിവയാണ് കാലക്രമേണ സമ്പാദ്യം കെട്ടിപ്പടുക്കുന്നതില്‍ പ്രധാന പങ്ക് വഹിക്കുന്നത്.
വരുമാനം വര്‍ധിക്കാത്ത സാഹചര്യത്തില്‍ ബജറ്റിങ്, ഓട്ടോമേറ്റിങ് സേവിങ്‌സ്, ചെലവുകള്‍ നിയന്ത്രിക്കുക തുടങ്ങിയ ലളിതമായ ഘട്ടങ്ങളിലൂടെ തന്നെ വ്യക്തികള്‍ക്ക് അവരുടെ സാമ്പത്തിക സ്ഥിതി മെച്ചപ്പെടുത്താന്‍ കഴിയും. സമ്പാദ്യം എളുപ്പവും സ്ഥിരതയുള്ളതുമാക്കാന്‍ സഹായിക്കുന്ന പ്രായോഗികമായ എട്ട് നിര്‍ദേശങ്ങള്‍ താഴെ പറയുന്നവയാണ്.
1. സാമ്പത്തിക അച്ചടക്കം തുടങ്ങുന്നത് വ്യക്തതയോടെയാണ്. ലക്ഷ്യങ്ങള്‍ കൃത്യമായി നിര്‍വചിക്കാത്തതിനാലാണ് പലര്‍ക്കും ബജറ്റുകള്‍ പാലിക്കാന്‍ കഴിയാത്തത്. 'കൂടുതല്‍ സമ്പാദിക്കണം' എന്ന പൊതുവായ ധാരണ മാത്രം പോരാ. ഓരോ ലക്ഷ്യത്തിനും കൃത്യമായ തുകയും സമയപരിധിയും എഴുതി വെക്കണം. ഹ്രസ്വകാല ലക്ഷ്യങ്ങളില്‍ ക്രെഡിറ്റ് കാര്‍ഡ് കുടിശ്ശിക തീര്‍ക്കല്‍, എമര്‍ജന്‍സി ഫണ്ട് രൂപീകരിക്കല്‍ അല്ലെങ്കില്‍ പ്രതിമാസ ചെലവ് പരിധി നിശ്ചയിക്കല്‍ എന്നിവ ഉള്‍പ്പെടാം. വായ്പാ തിരിച്ചടവ്, കാര്‍ വാങ്ങല്‍ അല്ലെങ്കില്‍ വിവാഹ ആവശ്യങ്ങള്‍ എന്നിവ ഇടക്കാല ലക്ഷ്യങ്ങളില്‍ വരാം. വീട് വാങ്ങുന്നതിനുള്ള തുക കണ്ടെത്തല്‍, കുട്ടികളുടെ വിദ്യാഭ്യാസം, വിരമിക്കല്‍ ജീവിതം എന്നിവയാണ് സാധാരണയായി ദീര്‍ഘകാല ലക്ഷ്യങ്ങളില്‍ ഉള്‍പ്പെടുന്നത്. വ്യക്തമായ ലക്ഷ്യങ്ങള്‍ പുരോഗതി വിലയിരുത്താനും സ്ഥിരത മെച്ചപ്പെടുത്താനും സഹായിക്കുന്നു.
2. പണത്തോടുള്ള അച്ചടക്കമുള്ള സമീപനം തുടങ്ങുന്നത് മുന്‍ഗണനാക്രമം നിശ്ചയിക്കുന്നതിലൂടെയാണ്. വരുമാനം ആദ്യം സമ്പാദ്യത്തിലേക്കും പിന്നീട് ബില്ലുകളിലേക്കും അതിനുശേഷം ചെലവുകളിലേക്കും പോകണം. സമ്പാദ്യം എന്നത് ബാക്കിയുള്ള പണമല്ല, മറിച്ച് മുന്‍ഗണന നല്‍കേണ്ട ഒന്നാണെന്ന് ഈ ഘടന ഉറപ്പാക്കുന്നു. ഇത് മാസത്തിന്റെ തുടക്കത്തില്‍ തന്നെ അമിതമായി പണം ചെലവാക്കുന്നത് ഒഴിവാക്കുകയും സാമ്പത്തിക സുരക്ഷിതത്വം നല്‍കുകയും ചെയ്യുന്നു.
3. ഓട്ടോമേഷന്‍ വഴി നിരന്തരമായ തീരുമാനങ്ങള്‍ എടുക്കേണ്ട സാഹചര്യം ഒഴിവാക്കാം. ശമ്പളം ലഭിക്കുന്ന ദിവസം തന്നെ നിശ്ചിത തുക സമ്പാദ്യത്തിലേക്ക് ഓട്ടോമാറ്റിക്കായി മാറുന്നത് സ്ഥിരത ഉറപ്പാക്കും. സമ്പാദ്യത്തെ ഒരു നിര്‍ബന്ധിത ബാധ്യതയായി കാണാന്‍ ഈ രീതി സഹായിക്കുന്നു. അതുപോലെ, ബില്ലുകള്‍ ഓട്ടോമേറ്റ് ചെയ്യുന്നത് വൈകിയുള്ള പിഴ ഒഴിവാക്കാനും ക്രെഡിറ്റ് സ്‌കോര്‍ സംരക്ഷിക്കാനും സഹായിക്കും. ഇത്തരം ചെറിയ കാര്യങ്ങള്‍ സാമ്പത്തിക സമ്മര്‍ദ്ദം കുറയ്ക്കുന്നു.
4. 50/30/20 എന്ന നിയമം വ്യാപകമായി ഉപയോഗിക്കുന്ന ഒന്നാണ്. ഇത് വരുമാനത്തിന്റെ 50 ശതമാനം ആവശ്യങ്ങള്‍ക്കും 30 ശതമാനം ആഗ്രഹങ്ങള്‍ക്കും 20 ശതമാനം സമ്പാദ്യത്തിനും കടം വീട്ടുന്നതിനും ആയി വിഭജിക്കുന്നു. വരുമാനത്തിനനുസരിച്ച് ഈ അനുപാതത്തില്‍ മാറ്റം വരുത്താമെങ്കിലും മുന്‍ഗണനാക്രമം മാറ്റരുത്. ഒരു ചിട്ടയായ പ്ലാന്‍ ചെലവും സമ്പാദ്യവും തമ്മിലുള്ള സന്തുലിതാവസ്ഥ നിലനിര്‍ത്താന്‍ സഹായിക്കുന്നു.
5. മൊബൈല്‍ ആപ്പുകള്‍, പരസ്യ ഇ-മെയിലുകള്‍, സോഷ്യല്‍ മീഡിയ എന്നിവ പലപ്പോഴും അനാവശ്യ ചെലവുകള്‍ക്ക് പ്രേരണ നല്‍കാറുണ്ട്. ഇത്തരം കാര്യങ്ങളുമായുള്ള സമ്പര്‍ക്കം കുറയ്ക്കുന്നത് അനാവശ്യ വാങ്ങലുകള്‍ ഒഴിവാക്കാന്‍ സഹായിക്കും. ഷോപ്പിംഗ് ആപ്പുകള്‍ ഒഴിവാക്കുക, മാര്‍ക്കറ്റിംഗ് മെസേജുകള്‍ അണ്‍സബ്‌സ്‌ക്രൈബ് ചെയ്യുക, സാധനങ്ങള്‍ വാങ്ങാന്‍ ലിസ്റ്റ് തയ്യാറാക്കുക എന്നിവ പ്രായോഗികമായ വഴികളാണ്. ഇത് അനാവശ്യ ചെലവുകള്‍ക്ക് തടയിടുന്നു.
6. തിടുക്കത്തിലുള്ള വാങ്ങലുകള്‍ ചില ശീലങ്ങളിലൂടെ നിയന്ത്രിക്കാം. ആവശ്യമില്ലാത്ത കാര്യങ്ങള്‍ വാങ്ങുന്നതിന് മുന്‍പ് ഒരു ദിവസം മുഴുവന്‍ കാത്തിരിക്കണം എന്ന് 24 മണിക്കൂര്‍ റൂള്‍ (24-hour rule) പറയുന്നു. മിക്കവാറും ഈ സമയത്തിനുള്ളില്‍ ആ സാധനം വാങ്ങാനുള്ള ആവേശം കുറയും. രണ്ടാഴ്ചയിലൊരിക്കല്‍ ബാങ്ക് ഇടപാടുകള്‍ പരിശോധിക്കുന്നത് പണത്തെക്കുറിച്ചുള്ള ബോധം വര്‍ദ്ധിപ്പിക്കുകയും പാഴ്‌ച്ചെലവ് കുറയ്ക്കുകയും ചെയ്യുന്നു.
7. സാമ്പത്തിക അച്ചടക്കത്തിന്റെ പ്രധാന ഭാഗമാണ് എമര്‍ജന്‍സി സേവിംഗ്‌സ്. ജോലി നഷ്ടപ്പെടുകയോ അപ്രതീക്ഷിത ചെലവുകള്‍ വരികയോ ചെയ്താല്‍ ഉപയോഗിക്കാന്‍ മൂന്ന് മുതല്‍ ആറ് മാസത്തെ ജീവിതച്ചെലവ് ഒരു പ്രത്യേക അക്കൗണ്ടില്‍ കരുതണം. ഈ ഫണ്ട് ഒരു സുരക്ഷാവലയമായി പ്രവര്‍ത്തിക്കുന്നു. ഇതില്ലെങ്കില്‍, ചെറിയ സാമ്പത്തിക പ്രതിസന്ധികള്‍ പോലും കടക്കെണിയിലേക്കും ദീര്‍ഘകാല പ്രശ്‌നങ്ങളിലേക്കും നയിച്ചേക്കാം.
8. സാമ്പത്തിക അച്ചടക്കം എന്നത് ഒറ്റത്തവണ ശ്രമമല്ല. ചിലപ്പോള്‍ ആളുകള്‍ ബജറ്റില്‍ കൂടുതല്‍ ചെലവഴിച്ചേക്കാം അല്ലെങ്കില്‍ സമ്പാദ്യ ലക്ഷ്യങ്ങള്‍ തെറ്റിച്ചേക്കാം. ഇവയെ പരാജയമായി കാണരുത്. വരുമാനത്തിലും ചെലവിലും മാറ്റം വരുന്നതിനനുസരിച്ച് ബജറ്റുകള്‍ കൃത്യമായി പുനഃപരിശോധിക്കണം. കടം വീട്ടുന്നതിന് മുന്‍ഗണന നല്‍കുന്നത് പലിശ കുറയ്ക്കാന്‍ സഹായിക്കും. വരുമാനം വര്‍ദ്ധിക്കുമ്പോള്‍, ആഡംബരങ്ങള്‍ കൂട്ടുന്നതിന് മുന്‍പ് സമ്പാദ്യ നിരക്ക് വര്‍ദ്ധിപ്പിക്കണം. സങ്കീര്‍ണ്ണമായ സാമ്പത്തിക തീരുമാനങ്ങള്‍ക്ക് വിദഗ്‌ധോപദേശം തേടുന്നത് ഗുണകരമായിരിക്കും.
News Now
അജ്ഞാത ആപ്പുകളോ ഫയലുകളോ ഫോണില്‍ ഉപയോഗിക്കരുത്; പണം കാലിയാകും, പൊലീസ് മുന്നറിയിപ്പ്
ബംഗാളിലെ 'താരസുന്ദരി'; നടി രുക്മിണി മല്ലിക് ബിജെപിയില്‍
'എത്ര ചിരിച്ചാലും വയസ് കുറയില്ല, ആന്റി സ്‌റ്റേജും കഴിയാറായി'; പരിഹാസ കമന്റിന് മറുപടി നല്‍കി നവ്യ നായര്‍
'മാറ്റം വരുത്തിയ ഫോം 6-ന് ഞങ്ങൾ അനുമതി നൽകിയിട്ടില്ല'; സുപ്രീം കോടതിയുടെ നിർണ്ണായക പരാമർശം: കേന്ദ്രത്തിനും സിഇസിക്കും നോട്ടീസ്
Summary
Money Saving Tips: Want to save more without earning more? Follow these 8 simple rules
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
