ഇന്നും കൂപ്പുകുത്തി ഓഹരി വിപണി, നിഫ്റ്റി 25,500ല്‍ താഴെ; രൂപ 91ലേക്ക്, എട്ടുപൈസയുടെ നഷ്ടം
തുടര്‍ച്ചയായ രണ്ടാം ദിവസവും ഓഹരി വിപണിയില്‍ ഇടിവ്
Nifty falls to 25,450പ്രതീകാത്മക ചിത്രം
Edited by :dhanojam
Last Updated :20 ജനുവരി 2026, 11:02 am IST
മുംബൈ: തുടര്‍ച്ചയായ രണ്ടാം ദിവസവും ഓഹരി വിപണിയില്‍ ഇടിവ്. വ്യാപാരത്തിന്റെ തുടക്കത്തില്‍ ബിഎസ്ഇ സെന്‍സെക്‌സും നിഫ്റ്റിയും 0.5 ശതമാനമാണ് ഇടിഞ്ഞത്. നിഫ്റ്റി 25,500 എന്ന സൈക്കോളജിക്കല്‍ ലെവലിനും താഴെ പോയി.
ആഗോള വിപണിയില്‍ നിലനില്‍ക്കുന്ന അനിശ്ചിതത്വവും വിദേശ നിക്ഷേപത്തിന്റെ പുറത്തേയ്ക്കുള്ള ഒഴുക്കുമാണ് വിപണിയെ സ്വാധീനിക്കുന്നത്. കൂടാതെ ഏഷ്യന്‍ വിപണികള്‍ ദുര്‍ബലമായതും വിപണിയില്‍ പ്രതിഫലിക്കുന്നുണ്ട്. ഇന്നലെ സെന്‍സെക്‌സ് 300 പോയിന്റ് ആണ് താഴ്ന്നത്.
എല്ലാ മേഖലയിലും വില്‍പ്പന സമ്മര്‍ദ്ദം നിലനില്‍ക്കുന്നുണ്ട്. റിയല്‍റ്റി, ഐടി, ഓട്ടോ, എണ്ണ, പ്രകൃതിവാതക ഓഹരികളാണ് ഏറ്റവുമധികം നഷ്ടം നേരിടുന്നത്. ബജാജ് ഫിനാന്‍സ്, ടെക് മഹീന്ദ്ര, ട്രെന്റ് ഓഹരികള്‍ നഷ്ടം നേരിട്ടപ്പോള്‍ എന്‍ടിപിസി, കൊട്ടക് മഹീന്ദ്ര, അള്‍ട്രാ ടെക് സിമന്റ്, എസ്ബിഐ ഓഹരികള്‍ നേട്ടം ഉണ്ടാക്കി. അതിനിടെ ഡോളറിനെതിരെ രൂപയും നഷ്ടം നേരിട്ടു. വ്യാപാരത്തിന്റെ തുടക്കത്തില്‍ എട്ടു പൈസയുടെ നഷ്ടമാണ് രൂപയ്ക്ക് സംഭവിച്ചത്. 90.98 എന്ന നിലയിലേക്കാണ് രൂപയുടെ മൂല്യം താഴ്ന്നത്. ഡോളര്‍ ശക്തിയാര്‍ജിച്ചതും ഓഹരി വിപണിയില്‍ നിന്നുള്ള വിദേശനിക്ഷേപത്തിന്റെ പുറത്തേയ്ക്കുള്ള ഒഴുക്കുമാണ് രൂപയില്‍ പ്രതിഫലിച്ചത്.
WHAT TO READ NEXT
3,300 ജിബി ഹൈ-സ്പീഡ് ഡാറ്റ; പുതിയ പ്ലാനുമായി ബിഎസ്എന്‍എല്‍
News Now
പുറത്ത് മുള്ളുകൾ, ഉള്ളിൽ ഗുണങ്ങൾ; ഡ്രാഗൺ ഫ്രൂട്ട് കഴിച്ചാൽ ശരീരത്തിന് എന്ത് സംഭവിക്കും?
വന്യജീവി വരാഘോഷത്തിന്റെ സംസ്ഥാനതല ഉദ്ഘാടന പന്തൽ തകർന്നു വീണു: മൂന്ന് പൊലീസുകാർ ഉൾപ്പെടെ നാല് പേർക്ക് പരിക്ക്
'വിജയ് പറഞ്ഞത് കേട്ട് ഞാന്‍ കരഞ്ഞു, അവന് എന്നെ ഇഷ്ടമല്ലെന്ന് കരുതി'; തുറന്നു പറഞ്ഞ് രശ്മിക മന്ദാന
യാത്രാനിരക്കില്‍ പതിനായിരം രൂപ വരെ വര്‍ധന; ടിക്കറ്റ് ചാര്‍ജ് കുത്തനെ കൂട്ടി ഇന്‍ഡിഗോ
Summary
Nifty falls to 25,450, Sensex sheds 350 points as trade jitters, Rupee falls 8 paise
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
