ആര്‍ബിഐ നിര്‍ദേശങ്ങള്‍ പാലിച്ചില്ല ; ഐസിഐസിഐ ബാങ്കിന് 58.9 കോടി പിഴ

മുംബൈ : രാജ്യത്തെ ഏറ്റവും വലിയ സ്വകാര്യ ബാങ്കായ ഐസിഐസിഐയ്ക്ക് റിസര്‍വ് ബാങ്ക് ഓഫ് ഇന്ത്യ പിഴ ചുമത്തി. 58.9 കോടി രൂപയാണ് ആര്‍ബിഐ പിഴ ചുമത്തിയത്. കടപ്പത്ര വില്‍പ്പനയില്‍ ക്രമക്കേടുകള്‍ കണ്ടെത്തിയതിനെ തുടര്‍ന്നാണ് പിഴ വിധിച്ചത്. 

കടപ്പത്ര വില്‍പ്പനയില്‍ ഐസിഐസിഐ ബാങ്ക് മാനദണ്ഡങ്ങള്‍ പാലിച്ചില്ലെന്നാണ് കണ്ടെത്തല്‍. 2018 മാര്‍ച്ച് 26 ന് ആര്‍ബിഐ പുറപ്പെടുവിച്ച ഉത്തരവിലാണ് പിഴ ചുമത്തിയിട്ടുള്ളത്. ഇതാദ്യമായാണ് ഒരു ബാങ്കിന് ഇത്രയും ഭീമമായ തുക റിസര്‍വ് ബാങ്ക് പിഴ ചുമത്തുന്നത്.