കളര്‍ എല്‍സിഡി ഡിസ്‌പ്ലേ, സ്വിച്ച്ഗിയര്‍, വില 2.54 ലക്ഷം രൂപ; ട്രയംഫ് ബോണ്‍വില്ലെ ടി4 വിപണിയില്‍
പ്രമുഖ ഇരുചക്ര വാഹന നിര്‍മ്മാതാക്കളായ ട്രയംഫ് തങ്ങളുടെ പുതിയ ബോണ്‍വില്ലെ ടി4 ഇന്ത്യന്‍ വിപണിയില്‍ അവതരിപ്പിച്ചു
Triumph Bonneville T4 Source by : source: Triumph
Last Updated :7 October 2026, 12:39 pm IST
Guest Author :Dhanoj AM
ന്യൂഡല്‍ഹി: പ്രമുഖ ഇരുചക്ര വാഹന നിര്‍മ്മാതാക്കളായ ട്രയംഫ് തങ്ങളുടെ പുതിയ ബോണ്‍വില്ലെ ടി4 ഇന്ത്യന്‍ വിപണിയില്‍ അവതരിപ്പിച്ചു. 2.54 ലക്ഷം രൂപയാണ് എക്‌സ് ഷോറൂം വില. ബോണ്‍വില്ലെ ടി40യ്ക്ക് താഴെയാണ് ടി4 സ്ഥാനംപിടിക്കുക.
ടിഎഫ്ടി ഡിസ്‌പ്ലേയ്ക്ക് പകരം ടി4ല്‍ കളര്‍ എല്‍സിഡി ഡിസ്‌പ്ലേയാണ് ക്രമീകരിച്ചിരിക്കുന്നത്. ടേണ്‍-ബൈ- ടേണ്‍ നാവിഗേഷന്‍, ബ്ല്യൂടൂത്ത് കണക്ടിവിറ്റി തുടങ്ങിയ ഫീച്ചറുകളോടെയാണ് പുതിയ എല്‍സിഡി ഡിസ്‌പ്ലേ വരുന്നത്. ഹാന്‍ഡില്‍ബാറിലെ സ്വിച്ച്ഗിയര്‍ ഉപയോഗിച്ച് റൈഡര്‍മാര്‍ക്ക് കോളുകള്‍, കോണ്‍ടാക്ടുകള്‍ എന്നിവ കൈകാര്യം ചെയ്യാന്‍ സാധിക്കും. ഫുള്‍ എല്‍ഇഡി ലൈറ്റിങ്, ഡേടൈം റണ്ണിങ് ലൈറ്റ്, എമര്‍ജന്‍സി ഡിസെലറേഷന്‍ വാര്‍ണിങ് എന്നിവയാണ് മറ്റു ഫീച്ചറുകള്‍.
കാഴ്ചയില്‍ ടി4ന് ടി40 മോഡലിന്റെ അതേ രൂപമാണ്. ഫാന്റം ബ്ലാക്ക്, കാര്‍ണിവല്‍ റെഡ്, കോംപറ്റീഷന്‍ ഗ്രീന്‍ എന്നിങ്ങനെ വ്യത്യസ്തമായ കളര്‍ ഓപ്ഷനുകളിലാണ് ഇത് വരുന്നത്. ലിക്വിഡ് കൂള്‍ഡ് 350 സിസി സിംഗിള്‍ സിലിണ്ടര്‍ എന്‍ജിനാണ് ഇതിന് കരുത്തുപകരുന്നത്. ഈ എന്‍ജിന് 7000 ആര്‍പിഎമ്മില്‍ 28.2 ബിഎച്ച്പി കരുത്തും 5,500 ആര്‍പിഎമ്മില്‍ 31എന്‍എം ടോര്‍ക്കും ഉല്‍പ്പാദിപ്പിക്കാനാകും.
ത്രോട്ടില്‍ റെസ്‌പോണ്‍സ്, ട്രാക്ഷന്‍ കണ്‍ട്രോള്‍, എബിഎസ് സെറ്റിങ്‌സ് എന്നിവയാണ് മറ്റു ഫീച്ചറുകള്‍. റോഡ്, റെയിന്‍, ഇക്കോ എന്നിങ്ങനെ മൂന്ന് റൈഡിങ് മോഡുകള്‍ ഉണ്ട്. ബൈക്കിന്റെ മുന്‍വശത്ത് ടെലിസ്‌കോപ്പിക് ഫോര്‍ക്കും പിന്നില്‍ ട്വിന്‍ ഷോക്ക് അബ്‌സോര്‍ബറുകളുമാണ് നല്‍കിയിരിക്കുന്നത്. ബ്രേക്കിങ്ങിനായി ട്വിന്‍- പിസ്റ്റണ്‍ ഫ്രണ്ട് കാലിപ്പര്‍, ഫ്രണ്ട് ഡിസ്‌ക്, ഡ്യുവല്‍ ചാനല്‍ എബിഎസ് എന്നിവ ഉള്‍പ്പെടുത്തിയിട്ടുണ്ട്.
News Now
രാധാഗുരുവായൂരപ്പൻ ക്ഷേത്രത്തിന്റെ പേരിൽ കോടികളുടെ തട്ടിപ്പ്; ഗോലോകം ട്രസ്റ്റിനെതിരെ ഗുരുതര ആരോപണവുമായി ഭക്തർ
Bypoll results LIVE | തമിഴ്നാട്ടിൽ TVKയും AIADMKയും ഒപ്പത്തിനൊപ്പം, ബംഗാളിലും പുതുച്ചേരിയിലും എൻഡിഎയ്ക്ക് ലീഡ്
പവന് 840 രൂപ കൂടി; സ്വര്‍ണവില ഈ മാസത്തെ ഉയര്‍ന്ന നിരക്കില്‍
കുട്ടികളുടെ അമിതവണ്ണം എങ്ങനെ കുറയ്ക്കാം? ഡബ്യൂഎച്ച്ഒയുടെ പുതിയ നിർദേശങ്ങൾ അറിയാം
Summary
Triumph Bonneville T4 launched in India at Rs 2.54 lakh
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
