ബിരുദം യോഗ്യത, പ്രായപരിധി 35 വയസ്സ്, മികച്ച ശമ്പളം; ഫെഡറൽ ബാങ്കിൽ ജോലി നേടാം

ഫെഡറൽ ബാങ്കിൽ ജോലി നേടാൻ മികച്ച അവസരം. വിവിധ തസ്തികകളിലേക്ക് നിയമനം നടത്തുന്നതിനുള്ള വിജ്ഞാപനം പുറത്തിറക്കി. സെയിൽസ് പ്രൊഫഷണൽസ് / റിലേഷൻഷിപ്പ് മാനേജർ തസ്തികകളിലേക്കാണ് നിയമനം. ഉദ്യോഗാർത്ഥികൾക്ക് ബാങ്കിന്റെ ഔദ്യോഗിക വെബ്സൈറ്റ് വഴി ഓൺലൈനായി അപേക്ഷിക്കാം. അപേക്ഷ സമർപ്പിക്കേണ്ട അവസാന തീയതി ഏപ്രിൽ 26.

വിദ്യാഭ്യാസ യോഗ്യത:
അംഗീകൃത സർവകലാശാലയിൽ നിന്നുള്ള ഏതെങ്കിലും വിഷയത്തിലുള്ള ബിരുദം ആവശ്യമാണ്.

പ്രവൃത്തി പരിചയം:

റിലേഷൻഷിപ്പ് മാനേജറായി കുറഞ്ഞത് 2 വർഷത്തെ പ്രവൃത്തി പരിചയം വേണം.

പ്രായപരിധി:
2026 ഏപ്രിൽ 1നനുസരിച്ച് 35 വയസ്സ് കവിയരുത്.
അതായത് 1991 ഏപ്രിൽ 1ന് ശേഷം ജനിച്ചവർക്ക് മാത്രമേ അപേക്ഷിക്കാൻ കഴിയൂ.

അപേക്ഷാഫീസ്:
ഈ നിയമനത്തിനായി അപേക്ഷാ ഫീസ് ഇല്ല. ഉദ്യോഗാർത്ഥികൾക്ക് സൗജന്യമായി അപേക്ഷിക്കാം.

തെരഞ്ഞെടുപ്പ് പ്രക്രിയ:

• അപേക്ഷകൾ ആദ്യം ഷോർട്ട്‌ലിസ്റ്റ് ചെയ്യും

• തുടർന്ന് വ്യക്തിഗത അഭിമുഖം (Personal Interview) നടത്തും

• ബാങ്ക് തീരുമാനിക്കുന്ന മറ്റ് രീതികളും ഉദ്യോഗാർത്ഥികളെ തെരഞ്ഞെടുക്കുന്നതിനായി ഉപയോഗിക്കാം.

• ഉദ്യോഗാർത്ഥികൾ ബാങ്കിന്റെ ഔദ്യോഗിക വെബ്സൈറ്റിലെ ‘Careers’ പേജ് വഴി ഓൺലൈനായി അപേക്ഷിക്കണം.

• 2026 ഏപ്രിൽ 13 മുതൽ ഏപ്രിൽ 26 വരെ (രണ്ട് ദിവസങ്ങളും ഉൾപ്പെടെ) അപേക്ഷ സമർപ്പിക്കാം.

• അപേക്ഷ നൽകുന്നതിന് മുൻപ് നിർദ്ദേശങ്ങൾ ശ്രദ്ധാപൂർവ്വം വായിക്കണം.

• രജിസ്ട്രേഷൻ പൂർത്തിയാക്കിയ ശേഷം ഉദ്യോഗാർത്ഥികളുടെ രജിസ്റ്റർ ചെയ്ത ഇമെയിലിലേക്ക് അയക്കുന്ന ലിങ്ക് വഴി Fed-Recruit ആപ്പിൽ പ്രവേശിച്ച് ആവശ്യമായ രേഖകൾ അപ്‌ലോഡ് ചെയ്യണം.

കൂടുതൽ വിവരങ്ങൾക്ക് ഔദ്യോഗിക വെബ്സൈറ്റ് സന്ദർശിക്കുക.

https://federalbankcareers.zappyhire.com/apply