കണ്ണൂർ സർവ്വകലാശാലയുടെ പാലയാട് ഡോ. ജാനകിയമ്മാൾ ക്യാമ്പസിലെ നരവംശശാസ്ത്ര വകുപ്പിൽ ആന്ത്രോപ്പോളജിക്കൽ സയൻസസിൽ പഞ്ചവത്സര ഇന്റഗ്രേറ്റഡ് ബിരുദാനന്തര ബിരുദ കോഴ്സിലേക്ക് അപേക്ഷ ക്ഷണിച്ചു. 2026 ജൂൺ 22 വരെയാണ് അപേക്ഷ സമർപ്പിക്കാനുള്ള അവസരം. ഏതെങ്കിലും വിഷയത്തിൽ പ്ലസ് ടു പാസായ വിദ്യാർഥികൾക്ക് അപേക്ഷിക്കാം.

കോഴ്സിൽ പ്രവേശനം നേടുന്നവർക്ക് മൂന്ന് വർഷം പൂർത്തിയാക്കിയാൽ ബി.എ ആന്ത്രോപ്പോളജിക്കൽ സയൻസസ് ബിരുദവും നാല് വർഷം പൂർത്തിയാക്കിയാൽ ബി.എ ഹോണേഴ്സ് അല്ലെങ്കിൽ ബി.എ ഹോണേഴ്സ് വിത്ത് റിസർച്ച് ബിരുദവും ലഭിക്കും. അഞ്ച് വർഷത്തെ പഠനം വിജയകരമായി പൂർത്തിയാക്കുന്നവർക്ക് ആന്ത്രോപ്പോളജിക്കൽ സയൻസസിൽ ഇന്റഗ്രേറ്റഡ് ബിരുദാനന്തര ബിരുദം നേടാനാകും.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക് ചെയ്യുക

എത്നോഗ്രാഫിക് ഫീൽഡ് വർക്ക്, മീഡിയ ആന്ത്രോപോളജി, എത്നോഗ്രാഫിക് ഫിലിം നിർമാണം, ഓഡിയോ വിഷ്വൽ ആന്ത്രോപോളജി, ഡാറ്റാ അനാലിസിസ്, മ്യൂസിയോളജി, ബയോളജിക്കൽ ആന്ത്രോപോളജി, ആർക്കിയോളജിക്കൽ ആന്ത്രോപോളജി, ലിംഗ്വിസ്റ്റിക് ആന്ത്രോപോളജി, മെഡിക്കൽ ആന്ത്രോപോളജി, പബ്ലിക് ഹെൽത്ത് ആൻഡ് എപ്പിഡമിയോളജി തുടങ്ങി വിവിധ വിഷയങ്ങൾ കോഴ്സിന്റെ ഭാഗമാണ്. കൂടുതൽ വിവരങ്ങൾക്ക് സർവകലാശാലയുടെ വെബ്സൈറ്റ് സന്ദർശിക്കുകയോ 0497 2766388, 7356948230 എന്നീ നമ്പറുകളിൽ ബന്ധപ്പെടുകയോ ചെയ്യാം.