ഗുരുവായൂർ ദേവസ്വത്തിൽ അവസരം: ഡ്രൈവർ,പ്ലംബർ, ഹെൽപ്പർ ഒഴിവുകൾ; നിയമനം അഭിമുഖത്തിലൂടെ

ഗുരുവായൂർ ദേവസ്വത്തിൽ വിവിധ തസ്തികകളിൽ നിയമനം നടത്തുന്നു. സിവിൽ എഞ്ചിനീയർ മുതൽ ഹെൽപ്പർ വരെയാണ് ഒഴിവുകൾ. ഏഴാം ക്ലാസ് മുതൽ യോഗ്യതയുള്ളവർക്ക് അപേക്ഷിക്കാം. ചില തസ്തികയ്ക്ക് പ്രവൃത്തിപരിചയം അവശ്യമാണ്.. അഭിമുഖത്തിലൂടെയാണ് നിയമനം നടത്തുന്നത്.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ.

ഇവിടെ ക്ലിക്ക്  ചെയ്യുക

ഒഴിവുകൾ

1. ഡ്രൈവർ ഗ്രേഡ് II.

• ഒഴിവ്: 2

• ദിവസവേതനം: 770 രൂപ.

• യോഗ്യത: ഏഴാംക്ലാസ് പാസായിരിക്കണം. കാറുകൾക്കും ജീപ്പുകൾക്കും അംഗീകൃതമായ നിലവിലുള്ള മോട്ടോർ ഡ്രൈവിംഗ് ലൈസൻസ് ഉണ്ടായിരിക്കണം.

• പ്രവൃത്തിപരിചയം: അപേക്ഷകർക്ക് മൂന്നുവർഷത്തെ പ്രവൃത്തിപരിചയം വേണം. പ്രായം: 20-36 വയസ്സ് (01.01.2026-ന്).

• അഭിമുഖം നടക്കുന്ന തീയതി: ഓഗസ്റ്റ് 10

2. പ്ലംബർ

• ഒഴിവ്: 1

• ദിവസവേതനം: 770 രൂപ

• യോഗ്യത: എസ്.എസ്.എൽ.സി/തത്തുല്യ വിജയം, കേരള ഗവൺമെന്റ് അംഗീകരിച്ച തത്തുല്യ പ്ലംബർ സർട്ടിഫിക്കറ്റ്, ഐ.ടി.ഐ/എൻ.സി.വി.ടി.

• പ്രായം: 18-36 വയസ്സ്

• അഭിമുഖം നടക്കുന്ന തീയതി: ഓഗസ്റ്റ് 10 (2 PM)

3. അസി. എഞ്ചിനീയർ (സിവിൽ)

• ഒഴിവ്: 4

• ശമ്പളം: 44,000 രൂപ

• യോഗ്യത: സിവിൽ എൻജിനീയറിംഗ് ബിരുദം

• പ്രായം: 25-36 വയസ്സ് (01.01.2026-ന്)

• അഭിമുഖം നടക്കുന്ന തീയതി: ഓഗസ്റ്റ് 11 (2 PM)

4. അസിസ്റ്റന്റ് ലൈൻമാൻ

• ഒഴിവ്: 1

• ദിവസവേതനം: 730 രൂപ

• യോഗ്യത: എസ്.എസ്.എൽ.സി/തത്തുല്യം/ടെക്നിക്കൽ സെക്കൻഡറി സ്കൂൾ പാസായവരാകണം. വയർമാൻ/ഇലക്ട്രീഷ്യൻ എന്നിവയിൽ ഏതെങ്കിലും ഒന്നിൽ സർക്കാർ നൽകുന്ന നാഷണൽ ട്രേഡ് സർട്ടിഫിക്കറ്റ് നേടിയിരിക്കണം.

• പ്രായം: 20-36 വയസ്സ് (01.01.2026-ന്)

• അഭിമുഖം നടക്കുന്ന തീയതി: ഓഗസ്റ്റ് 11 (12 PM)

5. ഹെൽപ്പർ

• ഒഴിവ്: 2

• ദിവസവേതനം: 710 രൂപ

• യോഗ്യത: ഏഴാംക്ലാസ് വിജയം, നാഷണൽ ട്രേഡ് സർട്ടിഫിക്കറ്റ് അല്ലെങ്കിൽ കെ.എസ്.ഇ.ബി.ക്ക് കീഴിൽ എൻ.എം.ആർ. വർക്കർ (കുറഞ്ഞത് ആറുമാസം)

• പ്രവൃത്തിപരിചയം: സ്റ്റേറ്റ് പബ്ലിക് വർക്ക് ഡിപ്പാർട്ട്മെന്റിൽ ഇലക്ട്രിക്കൽ വിംഗിലെ പ്രവൃത്തിപരിചയ സർട്ടിഫിക്കറ്റ് (എസ്.സി/എസ്.ടി. വിഭാഗക്കാർക്ക് ഇളവുണ്ട്).

• പ്രായം: 18-36 വയസ്സ് (01.01.2026-ന്)

• അഭിമുഖം നടക്കുന്ന തീയതി: ഓഗസ്റ്റ് 11 (3 PM)

താൽപര്യമുള്ള ഉദ്യോഗാർഥികൾ യോഗ്യത, പ്രായം, പ്രവൃത്തിപരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളും പകർപ്പുകളും സഹിതം ഓഗസ്റ്റ് 11ന് ഗുരുവായൂർ ദേവസ്വം ഭരണവിഭാഗം ഓഫീസിൽ നടക്കുന്ന അഭിമുഖത്തിൽ പങ്കെടുക്കണം.