ഐഐഎഫ്സിഎല്ലിൽ മാനേജർ,അസിസ്റ്റന്റ് മാനേജർ തസ്തികകളിൽ 37 ഒഴിവുകൾ, ഏപ്രിൽ 10 വരെ അപേക്ഷിക്കാം
അസിസ്റ്റന്റ് മാനേജർ (ഗ്രേഡ് എ) 33 ഒഴിവുകളും മാനേജർ (ഗ്രേഡ് ബി) നാല് ഒഴിവുകളുമാണ് ഉള്ളത്
IIFCL (India Infrastructure Finance Company Limited) announces 37 vacancies for Manager and Assistant Manager postsIIFCL
Edited by :SALIL C S
Last Updated :19 മാർച്ച് 2026, 8:10 pm IST
ഇന്ത്യാ ഗവൺമെന്റിന്റെ സംരംഭമായ ഇന്ത്യാ ഇൻഫ്രാസ്ട്രക്ചർ ഫിനാൻസ് കമ്പനി ലിമിറ്റഡ് (IIFCL) മാനേജർ, അസിസ്റ്റന്റ് മാനേജർ തസ്തികകളിലെ ഒഴിവുകൾ നികത്തുന്നതിനായി അപേക്ഷ ക്ഷണിച്ചു.
മാനേജർ (ഗ്രേഡ് ബി), അസിസ്റ്റന്റ് മാനേജർ (ഗ്രേഡ് എ) എന്നീ തസ്തികകളിലായാണ് ഒഴിവുകൾ ഉള്ളത്. ഔദ്യോഗിക വിജ്ഞാപനം അനുസരിച്ച് രണ്ട് തസ്തികകളിലും കൂടി 37 ഒഴിവുകളാണ് ഉള്ളത്.
അസിസ്റ്റന്റ് മാനേജർ (ഗ്രേഡ് എ) 33 ഒഴിവുകളും മാനേജർ (ഗ്രേഡ് ബി) നാല് ഒഴിവുകളുമാണ് ഉള്ളത്. രണ്ട് തസ്തികകളിലും രണ്ട് വിഭാഗങ്ങളിലായാണ് ഒഴിവുകളുള്ളത്. ജനറലിസ്റ്റ്, എൻവയോൺമെന്റ് ആൻഡ് സോഷ്യൽ സേഫ് ഗാർഡ് എന്നീ വിഭാഗങ്ങളിലായാണ് ഒഴിവുകൾ
യോഗ്യതയും താൽപ്പര്യവുമുള്ളവർക്ക് ഓൺലൈൻ വഴി ഏപ്രിൽ 10 വരെ അപേക്ഷിക്കാം. കേരളത്തിൽ തിരുവന്തപുരം പരീക്ഷാ കേന്ദ്രമാണ്.
തസ്തിക, ഒഴിവുകൾ, യോഗ്യത എന്നിവ അറിയാം
ആകെ ഒഴിവുകൾ 37
അസിസ്റ്റന്റ് മാനേജർ -ഗ്രേഡ് എ
ആകെ ഒഴിവുകൾ 33
ജനറലിസ്റ്റ് വിഭാഗത്തിൽ 31 , എൻവയോൺമെന്റ് ആൻഡ് സോഷ്യൽ സേഫ് ഗാർഡ് വിഭാഗത്തിൽ രണ്ട് ഒഴിവുകൾ
യോഗ്യത ജനറലിസ്റ്റ് വിഭാഗം: ഏതെങ്കിലും വിഷയത്തിൽ ബിരുദാന്തര ബിരുദം/ഡിപ്ലോമ / എൽഎൽബി / ഇന്റഗ്രേറ്റഡ് എൽഎൽബി (അഞ്ച് വർഷം) / സിഎ / സിഎസ് / സിഎംഎ / ബിടെക് / ബിഇ
പ്രവൃത്തി പരിചയം: ബാങ്ക്/എഫ്ഐ/സർക്കാർ/പൊതുമേഖലാ സ്ഥാപനങ്ങൾ/ എന്നിവയിൽ ഓഫീസർ കേഡറിൽ കുറഞ്ഞത് രണ്ട് വർഷത്തെ യോഗ്യതാനന്തര പരിചയം.
യോഗ്യത എൻവയോൺമെന്റ് ആൻഡ് സോഷ്യൽ സേഫ് ഗാർഡ്: എൻജിനിയറിങ് / എൻവയോൺമെന്റ് മാനേജ്മെന്റ്/സയൻസ് വിഷയത്തിൽ ബിരുദാനന്തര ബിരുദം/ഡിപ്ലോമ അല്ലെങ്കിൽ സോഷ്യൽ വർക്ക്/സോഷ്യോളജി/ആന്ത്രോപോളജി/ ഇക്കണോമിക്സ് വിഷയങ്ങളിലേതിലെങ്കിലും ബിരുദാനന്തര ബിരുദം
പ്രവൃത്തി പരിചയം: ബന്ധപ്പെട്ട മേഖലയിൽ രണ്ട് വർഷത്തെ പരിചയം
പ്രായ പരിധി : 30 വയസ്സിന് താഴെ
ശമ്പളം : 44500- 89150 രൂപ സ്കെയിലിൽ
മാനേജർ (ഗ്രേഡ് ബി )
ആകെ ഒഴിവുകൾ നാല്
ജനറലിസ്റ്റ് വിഭാഗത്തിലും എൻവയോൺമെന്റ് ആൻഡ് സോഷ്യൽ സേഫ് ഗാർഡ് വിഭാഗത്തിലും രണ്ട് ഒഴിവുകൾ വീതം.
യോഗ്യത ജനറലിസ്റ്റ് വിഭാഗം: ഏതെങ്കിലും വിഷയത്തിൽ ബിരുദാന്തര ബിരുദം/ഡിപ്ലോമ / എൽഎൽബി / ഇന്റഗ്രേറ്റഡ് എൽഎൽബി (അഞ്ച് വർഷം) / സിഎ / സിഎസ് / സിഎംഎ / ബിടെക് / ബിഇ
പ്രവൃത്തി പരിചയം: ധനകാര്യ മേഖല / ബാങ്കുകൾ / പൊതുമേഖലാ സ്ഥാപനങ്ങൾ / പ്രശസ്ത കോർപ്പറേറ്റുകൾ എന്നിവയിൽ ഓഫീസർ / എക്സിക്യൂട്ടീവ് കേഡറിൽ ഏഴ് വർഷത്തെ പരിചയം (ബന്ധപ്പെട്ട മേഖലകളിൽ കുറഞ്ഞത് രണ്ട് വർഷം ഉൾപ്പെടെ
യോഗ്യത എൻവയോൺമെന്റ് ആൻഡ് സോഷ്യൽ സേഫ് ഗാർഡ്: എൻജിനിയറിങ് / എൻവയോൺമെന്റ് മാനേജ്മെന്റ്/സയൻസ് വിഷയത്തിൽ ബിരുദാനന്തര ബിരുദം/ഡിപ്ലോമ അല്ലെങ്കിൽ സോഷ്യൽ വർക്ക്/സോഷ്യോളജി/ആന്ത്രോപോളജി/ ഇക്കണോമിക്സ് വിഷയങ്ങളിലേതിലെങ്കിലും ബിരുദാനന്തര ബിരുദം
പ്രവൃത്തി പരിചയം:: പരിസ്ഥിതി, സാമൂഹിക ആഘാത വിലയിരുത്തൽ, മാനേജ്മെന്റ് പ്ലാനുകൾ മുതലായവയിൽ എന്നിവയിൽ രണ്ട് വർഷം ഉൾപ്പടെ ഏഴ് വർഷത്തെ പരിചയം.
പ്രായ പരിധി : 40 വയസ്സിൽ താഴെ
ശമ്പളം: 55200- 99750 രൂപാ സ്കെയിൽ
തെരഞ്ഞെടുക്കൽ രീതി
ഓൺലൈൻ പരീക്ഷ, അഭിമുഖം എന്നിവയെ അടിസ്ഥാനമാക്കിയായിരിക്കും ഉദ്യോഗാർത്ഥികളെ നിയമനത്തിനായി തെരഞ്ഞെടുക്കുക.
ഇന്ത്യയിലെ 21 കേന്ദ്രങ്ങളിൽ ഓൺലൈൻ പരീക്ഷ നടത്തും. കേരളത്തിൽ നിലവിൽ തിരുവനന്തപുരമാണ് കേന്ദ്രമായി നിശ്ചയിച്ചിട്ടുള്ളത്.
അപേക്ഷാ ഫീസ്
ഇന്റിമേഷൻ ചാർജ് ഉൾപ്പടെ 600 രൂപയാണ് അപേക്ഷാ ഫീസ്
എസ് സി, എസ് ടി, പിഡബ്ല്യുഡി വിഭാഗത്തിൽ നിന്നുള്ളവർ 100 രൂപ ഇന്റിമേഷൻ ചാർജ് മാത്രം ഒടുക്കിയാൽ മതി.
ഓൺലൈനായി അപേക്ഷ സമർപ്പിക്കാനും ഫീസ് ഒടുക്കാനുമുള്ള അവസാന തീയതി : ഏപ്രിൽ 10 ആണ്
പരീക്ഷാ തീയതി : മെയ് / ജൂൺ 2026
അഭിമുഖം : മെയ് / ജൂൺ 2026
News Now
പുറത്ത് മുള്ളുകൾ, ഉള്ളിൽ ഗുണങ്ങൾ; ഡ്രാഗൺ ഫ്രൂട്ട് കഴിച്ചാൽ ശരീരത്തിന് എന്ത് സംഭവിക്കും?
വന്യജീവി വരാഘോഷത്തിന്റെ സംസ്ഥാനതല ഉദ്ഘാടന പന്തൽ തകർന്നു വീണു: മൂന്ന് പൊലീസുകാർ ഉൾപ്പെടെ നാല് പേർക്ക് പരിക്ക്
'വിജയ് പറഞ്ഞത് കേട്ട് ഞാന്‍ കരഞ്ഞു, അവന് എന്നെ ഇഷ്ടമല്ലെന്ന് കരുതി'; തുറന്നു പറഞ്ഞ് രശ്മിക മന്ദാന
യാത്രാനിരക്കില്‍ പതിനായിരം രൂപ വരെ വര്‍ധന; ടിക്കറ്റ് ചാര്‍ജ് കുത്തനെ കൂട്ടി ഇന്‍ഡിഗോ
Summary
Job Alert: IIFCL (India Infrastructure Finance Company Limited) invites online applications for 37 Manager and Assistant Manager vacancies. Apply online before April 10.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
