കംപ്യൂട്ടര്‍ അസിസ്റ്റന്റ്, ഫയര്‍ സ്റ്റേഷന്‍ ഓഫിസര്‍, ജിയോളജിക്കല്‍ അസിസ്റ്റന്റ്; 30 തസ്തികകളില്‍ പിഎസ്‌സി വിജ്ഞാപനം

സര്‍വകലാശാലകളില്‍ കംപ്യൂട്ടര്‍ അസിസ്റ്റന്റ്, ഫയര്‍ ആന്‍ഡ് റെസ്‌ക്യൂ സര്‍വീസസില്‍ സ്റ്റേഷന്‍ ഓഫീസര്‍ (ട്രെയിനി), ആയുര്‍വേദ ഫാര്‍മസിസ്റ്റ് ഉള്‍പ്പെടെ 30 തസ്തികകളിലേക്ക് പിഎസ്‌സി വിജ്ഞാപനം പ്രസിദ്ധീകരിച്ചു. ഒറ്റത്തവണ രജിസ്‌ട്രേഷന്‍ പോര്‍ട്ടല്‍ വഴിയാണ് അപേക്ഷിക്കേണ്ടത്. അവസാന തീയതി -ഓഗസ്റ്റ് 5. വിജ്ഞാപനം പ്രസിദ്ധീകരിച്ച തസ്തികകളുടെ വിവരങ്ങള്‍ ചുവടെ.

ജനറല്‍ റിക്രൂട്ട്‌മെന്റ് (സംസ്ഥാനതലം)

• തദ്ദേശസ്വയംഭരണ (ഇ.ആര്‍.എ.) വകുപ്പ്: സെക്രട്ടറി (ലോക്കല്‍ സെല്‍ഫ് ഗവണ്‍മെന്റ് ഇന്‍സ്റ്റിറ്റിയൂഷന്‍സ്) (തസ്തികമാറ്റം മുഖേന)

• ഹോമിയോപ്പതി വകുപ്പ്: മെഡിക്കല്‍ ഓഫീസര്‍ (ഹോമിയോ) (തസ്തികമാറ്റം മുഖേന)

• കേരള സ്റ്റേറ്റ് ഹൗസിങ് ബോര്‍ഡ്: അസിസ്റ്റന്റ് എഞ്ചിനീയര്‍ (ഇലക്ട്രിക്കല്‍)

• ഫിഷറീസ് വകുപ്പ്: ഫിഷറീസ് എക്സ്റ്റന്‍ഷന്‍ ഓഫീസര്‍

• ലാന്‍ഡ് യൂസ് വകുപ്പ്: ജിയോളജിക്കല്‍ അസിസ്റ്റന്റ്

• ഫയര്‍ ആന്‍ഡ് റെസ്‌ക്യൂ സര്‍വീസസ്: സ്റ്റേഷന്‍ ഓഫീസര്‍ (ട്രെയിനി)

• സാങ്കേതിക വിദ്യാഭ്യാസ വകുപ്പ്: വര്‍ക് ഷോപ്പ് ഇന്‍സ്ട്രക്ടര്‍/ ഡെമോണ്‍സ്‌ട്രേറ്റര്‍/ ഇന്‍സ്ട്രക്ടര്‍ ഗ്രേഡ് 2/ ഡ്രാഫ്റ്റ്‌സ്മാന്‍ ഗ്രേഡ് 2 ഇന്‍ ഇലക്ട്രിക്കല്‍ എഞ്ചിനീയറിങ്

• ഓയില്‍പാം ഇന്ത്യ ലിമിറ്റഡ്: സ്റ്റോര്‍ കീപ്പര്‍

• സര്‍വ്വകലാശാലകള്‍: കംപ്യുട്ടര്‍ അസിസ്റ്റന്റ് ഗ്രേഡ് 2

• കേരള സംസ്ഥാന ജലഗതാഗത വകുപ്പ്: ബോട്ട് സ്രാങ്ക്

• കേരള വാട്ടര്‍ അതോറിറ്റി: ഫിറ്റര്‍ (തസ്തികമാറ്റം മുഖേന)

• കേരള സംസ്ഥാന ജലഗതാഗത വകുപ്പ്: അപ്‌ഹോള്‍സ്റ്റര്‍

• കേരള ലൈവ്‌സ്റ്റോക്ക് ഡെവലപ്മെന്റ് ബോര്‍ഡ്: കോണ്‍ഫിഡന്‍ഷ്യല്‍ അസിസ്റ്റന്റ് (നേരിട്ടും തസ്തികമാറ്റം മുഖേനയും)

• കേരള സ്റ്റേറ്റ് പൗള്‍ട്രി ഡെവലപ്‌മെന്റ് കോര്‍പ്പറേഷന്‍: പ്രൈവറ്റ് സെക്രട്ടറി ടു മാനേജിങ് ഡയറക്ടര്‍

ജനറല്‍ റിക്രൂട്ട്‌മെന്റ് (ജില്ലാതലം)

• കാസര്‍കോട് (വിദ്യാഭ്യാസ വകുപ്പ്): പ്രീ-പ്രൈമറി ടീച്ചര്‍ (കന്നഡ)

സ്‌പെഷ്യല്‍ റിക്രൂട്ട്‌മെന്റ് (സംസ്ഥാനതലം)

• ജനറല്‍ അഡ്മിനിസ്‌ട്രേറ്റീവ് വകുപ്പ് (സെക്രട്ടേറിയേറ്റ്): അസിസ്റ്റന്റ് (പട്ടികവര്‍ഗ്ഗം)

• മെഡിക്കല്‍ വിദ്യാഭ്യാസ വകുപ്പ്: മോര്‍ച്ചറി ടെക്‌നീഷ്യന്‍ ഗ്രേഡ് 2 (പട്ടികവര്‍ഗ്ഗം)

സ്‌പെഷ്യല്‍ റിക്രൂട്ട്‌മെന്റ് (ജില്ലാതലം)

• ആലപ്പുഴ (ആരോഗ്യ വകുപ്പ്): ഫാര്‍മസിസ്റ്റ് ഗ്രേഡ് 2 (പട്ടികവര്‍ഗ്ഗം)

• തൃശൂര്‍: വിവിധ വകുപ്പുകളില്‍ ക്ലര്‍ക്ക്-ടൈപ്പിസ്റ്റ് (പട്ടികജാതി/പട്ടികവര്‍ഗ്ഗം)

• എന്‍.സി.എ. റിക്രൂട്ട്‌മെന്റ് (സംസ്ഥാനതലം)

• കോളജ് വിദ്യാഭ്യാസ വകുപ്പ്: അസിസ്റ്റന്റ് പ്രൊഫസര്‍ ഇന്‍ സ്റ്റാറ്റിസ്റ്റിക്‌സ് (പട്ടികജാതി)

• ഭാരതീയ ചികിത്സാ വകുപ്പ്: മെഡിക്കല്‍ ഓഫീസര്‍ (വിഷ) (ഹിന്ദുനാടാര്‍)

• കേരള പൊലീസ് വകുപ്പ്: പൊലീസ് കോണ്‍സ്റ്റബിള്‍ ഡ്രൈവര്‍/വുമണ്‍ പൊലീസ് കോണ്‍സ്റ്റബിള്‍ ഡ്രൈവര്‍ (എസ്.സി.സി.സി.)

• കെ.എസ്.സി.എ.ആര്‍.ഡി. ബാങ്ക്: അസിസ്റ്റന്റ് (പാര്‍ട്ട് 2 - സൊസൈറ്റി കാറ്റഗറി)

• കേരള സ്റ്റേറ്റ് ഫിലിം ഡെവലപ്‌മെന്റ് കോര്‍പ്പറേഷന്‍: ഇലക്ട്രീഷ്യന്‍ (പട്ടികജാതി)

• കേരള സ്റ്റേറ്റ് ഫിലിം ഡെവലപ്‌മെന്റ് കോര്‍പ്പറേഷന്‍: സിനി അസിസ്റ്റന്റ് (എല്‍.സി./എ.ഐ.)

യോഗ്യത, പ്രായപരിധി തുടങ്ങി മറ്റ് വിശദ വിവരങ്ങള്‍ക്ക് വെബ്‌സൈറ്റിലെ വിജ്ഞാപനം കാണുക. ഒറ്റത്തവണ രജിസ്‌ട്രേഷന്‍ പൂര്‍ത്തിയാക്കിയവര്‍ക്ക് പ്രൊഫൈലില്‍ ലോഗിന്‍ ചെയ്തും വിജ്ഞാപനങ്ങള്‍ കാണാം.