അച്യുതമേനോൻ കോളേജിൽ ബിരുദ, ബിരുദാനന്തര കോഴ്സുകൾക്ക് സീറ്റ് ഒഴിവ്

തൃശൂർ സി അച്യുതമേനോൻ ​ഗവൺമെ​ന്റ് കോളേജിൽ ബിരുദ, ബിരുദാനന്തര കോഴ്സുകൾക്ക് ഏകജാലക പ്രവേശനം വഴി നടത്തുന്ന പ്രവേശനത്തിന് വിവിധ വകുപ്പുകളിൽ ഒഴിവുകൾ ഉണ്ട്. എംഎ ഇക്കണോമിക്സ്, ഹിസ്റ്ററി,ഇം​ഗ്ലീഷ്, എം എസ് സി സൈക്കോളജി, കോഴ്സുകൾക്കും എം കോമിനുമാണ് ബിരുദാനന്തര കോഴ്സുകളിൽ ഒഴിവുള്ളത്.

എം എസ് സി സൈക്കോളജിയിൽ ഇടിബി, മുസ്ലിം, എസ് ടി വിഭാ​ഗത്തിൽപ്പെട്ടവർക്കുള്ള സീറ്റുകളിലാണ് ഒഴിവുള്ളത്. എം എ ഹിസ്റ്ററിയിൽ എസ് ടി, മുസ്ലിം വിഭാ​ഗങ്ങളിലാണ് സീറ്റ് ഒഴിവ്.

എം എ ഇക്കണോമിക്സിൽ പൊതുവിഭാ​ഗം, എസ് സി, എസ് ടി, മുസ്ലിം, ഇ ടിബി, ഒബി എച്ച്, ഒബി എക്സ് വിഭാ​ഗങ്ങളിൽ സീറ്റ് ഒഴിവുണ്ട്. എം കോമിനും എം എ ഇം​ഗ്ലീഷിലും എസ് ടി വിഭാ​ഗത്തിലാണ് ഒഴിവുള്ളത്.

ബിരുദതലത്തിൽ ബി എസ് സി കംപ്യൂട്ടർ സയൻസ്, മാത്തമാറ്റിക്സ്,സ്റ്റാറ്റിസ്റ്റിക്സ് കോഴ്സുകൾക്കും ബി എ ഇക്കണോമിക്സ്, ഹിസ്റ്ററി കോഴ്സുകൾക്കുമാണ് സീറ്റ് ഒഴിവുള്ളത്. എസ് ടി, സ്പോർട്സ് വിഭാ​ഗങ്ങളിൽ എല്ലാ കോഴ്സിലും സീറ്റുകൾ ഒഴിവുണ്ട്. മാത്തമാറ്റിക്സിൽ മുസ്ലിം, എസ് സി, ഇ ഡബ്ലിയു എസ്, ഇടിബി എന്നീ വിഭാ​ഗങ്ങളിലും സ്റ്റാറ്റിസ്റ്റിക്സിൽ ഇ ഡബ്ലിയു എസ് മുസ്ലിം ഇ ടി ബി വിഭാ​ഗങ്ങളിലും ഒഴിവുണ്ട്.

ഇക്കണോമിക്സിൽ ഇ ഡബ്ലിയു എസ് വിഭാ​ഗത്തിലും കംപ്യൂട്ടർ സയൻസ് വിഭാ​ഗത്തിൽ ഒ ബി എക്സ് വിഭാ​ഗത്തിലും ഹിസ്റ്ററിയിൽ എൽ സി വിഭാ​ഗത്തിലുമാണ് സീറ്റ് ഒഴിവുള്ളത്.

താൽപ്പര്യമുള്ള വിദ്യാർത്ഥികൾ എസ് എസ് എൽ സി, ബിരുദ മാർക്ക് ലിസ്റ്റ്, സർട്ടിഫിക്കറ്റുകൾ സംവരണം തെളിയിക്കുന്ന രേഖകൾ, ക്യാപ് രജിസ്ട്രേഷൻ സഹിതം ഓ​ഗസ്റ്റ് 26 ന് ഉച്ചയ്ക്ക് രണ്ട് മണിക്ക് മുമ്പായി കോളേജ് ഓഫീസിൽ ഹാജരാകണം

വിശദവിവരങ്ങൾക്ക്: https://govtcollegethrissur.ac.in/ ഫോൺ- 0487-2353022 എന്ന നമ്പരിൽ ബന്ധപ്പെടണം