പട്ടയ മിഷൻ: തൃശ്ശൂർ ജില്ലയിൽ താത്കാലിക നിയമനം നടത്തുന്നു

സംസ്ഥാന സർക്കാരിന്റെ പട്ടയ മിഷനുമായി ബന്ധപ്പെട്ട് തൃശ്ശൂർ ജില്ലയിൽ വിവിധ തസ്തികകളിൽ നിയമനം നടത്തുന്നു. ദിവസ വേതനാടിസ്ഥാനത്തിൽ ആയിരിക്കും നിയമനം. വിരമിച്ച സർക്കാർ ജീവനക്കാർക്ക് മുൻഗണന.

പട്ടയസംബന്ധമായ സർവെ ജോലികൾക്ക് വേണ്ടി സർവെയർമാർ, ചെയിൻമാൻ, ഡാറ്റാ എൻട്രി ഓപ്പറേറ്റർ എന്നീ തസ്തികകളിലേക്ക് ആണ് നിയമനം നടത്തുന്നത്. യോഗ്യരായ പരിചയസമ്പന്നർക്ക് അപേക്ഷ നൽകാം. ബയോഡാറ്റയും, യോഗ്യത തെളിയിക്കുന്ന അസ്സൽ സർട്ടിഫിക്കറ്റുകളും സഹിതമാണ് അപേക്ഷ നൽകേണ്ടത്.

സർവെയർമാർ -15,ചെയിൻമാൻ - 22,ഡാറ്റാ എൻട്രി ഓപ്പറേറ്റർ -5 എന്നിങ്ങനെയാണ് ഒഴിവുകളുടെ എണ്ണം. വിരമിച്ച സർവ്വെ ജീവനക്കാർക്കും മുൻപരിചയമുള്ള സർവ്വെയർമാർക്കും മുൻഗണന ലഭിക്കും. താത്പര്യമുള്ളവർ ആഗസ്റ്റ് 25 രാവിലെ 10 ന് തൃശൂർ കളക്ടറേറ്റ് അയ്യന്തോളിലെ അനെക്‌സ് ഹാളിൽ നേരിട്ട് ഹാജരാകണം.