44,999 മുതല്‍ വില, ഐക്യൂഒഒ 15ആര്‍ വിപണിയില്‍; അറിയാം ഫീച്ചറുകള്‍
വിവോ സബ് ബ്രാന്‍ഡായ ഐക്യൂഒഒയുടെ പുതിയ മോഡലായ ഐക്യൂഒഒ 15ആര്‍ ഇന്ത്യന്‍ വിപണിയില്‍ അവതരിപ്പിച്ചു
iQOO 15R Launched in India source:iQOO
Edited by :dhanojam
Last Updated :24 ഫെബ്രുവരി 2026, 4:56 pm IST
മുംബൈ: വിവോ സബ് ബ്രാന്‍ഡായ ഐക്യൂഒഒയുടെ പുതിയ മോഡലായ ഐക്യൂഒഒ 15ആര്‍ ഇന്ത്യന്‍ വിപണിയില്‍ അവതരിപ്പിച്ചു. ഐക്യൂഒഒ 15 ശ്രേണിയില്‍ പുതിയ കൂട്ടിച്ചേര്‍ക്കലായാണ് ഇത് കൊണ്ടുവന്നത്.
1.5K 144Hz AMOLED സ്‌ക്രീനിലാണ് ഫോണ്‍ പ്രവര്‍ത്തിക്കുന്നത്. സ്നാപ്ഡ്രാഗണ്‍ 8 ജെന്‍ 5 ചിപ്പാണ് ഇതിന് കരുത്ത് പകരുന്നത്. 50 മെഗാപിക്‌സല്‍ സോണി എല്‍വൈടി-700വി സെന്‍സറുള്ള ഡ്യുവല്‍ റിയര്‍ കാമറ സജ്ജീകരണമാണ് ഫോണിലുള്ളത്. 7,600എംഎഎച്ച് ബാറ്ററിയാണ് ഇതിന് കരുത്തുപകരുന്നത്. 8 ജിബി റാമും 256 ജിബി സ്റ്റോറേജുമുള്ള അടിസ്ഥാന വേരിയന്റിന് ഇന്ത്യയില്‍ 44,999 രൂപയാണ് വില. 12 ജിബി + 256 ജിബി, 12 ജിബി + 512 ജിബി റാമും സ്റ്റോറേജ് കോണ്‍ഫിഗറേഷനുകളുമുള്ള മറ്റു വേരിയന്റുകള്‍ക്ക് യഥാക്രമം 47,999 രൂപയും 52,999 രൂപയുമാണ് വില.
ഡാര്‍ക്ക് നൈറ്റ്, ട്രയംഫ് സില്‍വര്‍ നിറങ്ങളില്‍ ഇത് ലഭ്യമാണ്. ആമസോണ്‍, ഐക്യുഒഒ ഇന്ത്യ സ്റ്റോര്‍, വിവോ റീട്ടെയില്‍ സ്റ്റോറുകള്‍ എന്നിവയിലൂടെ പ്രീ-ബുക്ക് ചെയ്യാം. മാര്‍ച്ച് മൂന്ന് മുതല്‍ വില്‍പ്പന ആരംഭിക്കും. ലോഞ്ച് ഓഫറുകളുടെ ഭാഗമായി, എച്ച്ഡിഎഫ്സി, ആക്സിയ ബാങ്ക് ക്രെഡിറ്റ്, ഡെബിറ്റ്, ഇഎംഐ ഇടപാടുകള്‍ക്ക് ഉപഭോക്താക്കള്‍ക്ക് 4,000 രൂപ തല്‍ക്ഷണ കിഴിവ് ലഭിക്കും. ഡ്യുവല്‍ സിം (നാനോ + നാനോ) ഐക്യുഒ 15ആര്‍ ആന്‍ഡ്രോയിഡ് 16 അടിസ്ഥാനമാക്കിയുള്ള ഒറിജിന്‍ഒഎസ് സിക്‌സിലാണ് പ്രവര്‍ത്തിക്കുന്നത്. ഹാന്‍ഡ്സെറ്റിന് നാല് വര്‍ഷത്തെ ആന്‍ഡ്രോയിഡ് അപ്ഗ്രേഡുകളും ആറ് വര്‍ഷത്തെ സുരക്ഷാ അപ്ഡേറ്റുകളും ലഭിക്കുമെന്ന് വാഗ്ദാനം ചെയ്യുന്നു.
120Hz റിഫ്രഷ് റേറ്റ്, 5,000 nits വരെ ലോക്കല്‍ പീക്ക് ബ്രൈറ്റ്നസ്, HDR10+ സര്‍ട്ടിഫിക്കേഷന്‍, 4,320Hz PWM ഡിമ്മിംഗ് റേറ്റ് എന്നിവയുള്ള 6.59-ഇഞ്ച് 1.5K (1,260 x 2,750 പിക്സല്) AMOLED സ്‌ക്രീനാണ് ഇതിനുള്ളത്. കാമറ വിഭാഗത്തില്‍, OIS ഉള്ള 50-മെഗാപിക്‌സല്‍ സോണി LYT-700V പ്രൈമറി കാമറയും 8-മെഗാപിക്‌സല്‍ അള്‍ട്രാ-വൈഡ്-ആംഗിള്‍ ലെന്‍സും ഇതിനുണ്ട്. മുന്‍വശത്ത്, 32 മെഗാപിക്‌സല്‍ സെല്‍ഫി കാമറയുമുണ്ട്.
News Now
ബംഗാളിലെ 'താരസുന്ദരി'; നടി രുക്മിണി മല്ലിക് ബിജെപിയില്‍
'എത്ര ചിരിച്ചാലും വയസ് കുറയില്ല, ആന്റി സ്‌റ്റേജും കഴിയാറായി'; പരിഹാസ കമന്റിന് മറുപടി നല്‍കി നവ്യ നായര്‍
മുഖ്യ തെരഞ്ഞെടുപ്പ് കമ്മീഷണറെ അടിയന്തരമായി സസ്പെൻഡ് ചെയ്യണമെന്ന ആവശ്യം തള്ളി സുപ്രീം കോടതി: കേന്ദ്രത്തിനും സിഇസിക്കും നോട്ടീസ്
കരുത്തുറ്റ 9000 എംഎഎച്ച് ബാറ്ററി, 200എംപി മെയിന്‍ കാമറ; വണ്‍പ്ലസ് 16 ലോഞ്ച് ഒക്ടോബര്‍ 12ന്
Summary
iQOO 15R Launched in India With 144Hz Display, Snapdragon 8 Gen 5 SoC
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
