വേനൽക്കാലത്ത് ചുണ്ടുകൾക്ക് നൽകണം പ്രത്യേക ശ്രദ്ധ; ഈ മൂന്ന് കാര്യങ്ങൾ മറക്കരുത്

വേനൽക്കാലത്തും ചുണ്ടുകൾ വരണ്ടു പൊട്ടുന്നതും വിണ്ടു കീറുന്നതുമൊക്കെ സ്വാഭാവികമാണ്. ഇതിന് പല കാരണങ്ങൾ ഉണ്ട്. ചുണ്ടിൽ ഈർപ്പം നിലനിർത്താൻ കഴിയുന്ന ​ഗ്രന്ഥികളൊന്നും ഇല്ലാത്തതിനാൽ പ്രത്യേക ശ്രദ്ധ കൊടുത്തില്ലെങ്കിൽ ഇത്തരം പ്രശ്നങ്ങൾ ഉണ്ടാകും. 

ചുണ്ടുകളെ ആകർഷകമാക്കാൻ ചെയ്യാവുന്ന കാര്യങ്ങൾ 

► ‌നനഞ്ഞതും മൃദുവായതുമായ കോട്ടൺ തുണിയോ അഥവാ ടൂത്ത് ബ്രഷോ ഉപയോഗിച്ച് ചുണ്ടുകൾ പതിയെ തടവാം. ചുണ്ടുകളിലെ മ‍ൃതചർമ്മം നീക്കാൻ സഹായിക്കും. ഇതിനുശേഷം ലിപ്ബാം പുരട്ടുകയും വേണം. ആഴ്ചയിൽ ഒരു ദിവസമെങ്കിലും ഇങ്ങനെ ചെയ്യുന്നത് ചുണ്ടുകൾക്ക് നല്ലതാണ്. 

► ചുണ്ടുകൾ പെട്ടന്ന് വരണ്ടുപോകുന്നത് ഒഴിവാക്കാൻ ധാരാളം വെള്ളം കുടിക്കണം. ചുണ്ടു വരളുമ്പോൾ നാവുകൊണ്ട് നനക്കുന്നതും ഒഴിവാക്കണം, കാരണം ഇത് ചുണ്ടുകൾ കൂടുതൽ ഡ്രൈ ആക്കുകയും ചുണ്ടിലെ തൊലി പൊളിയാൻ കാരണമാകുകയും ചെയ്യും. 

► ചുണ്ടുകളും മോയ്സ്ച്ചറെെസ് ചെയ്യണം. എസ്പിഎഫ് 15നു മുകളിലുള്ള ലിപ്ബാം വേണം വേനൽക്കാലത്ത് ഉപയോ​ഗിക്കാൻ. രാത്രിയിൽ കിടക്കുന്നതിനു മുൻപും ചുണ്ടിൽ മോയ്സ്ച്ചറൈസർ പുരട്ടണം. ചുണ്ടിൽ വെളിച്ചെണ്ണ പുരട്ടുന്നതും ഈർപ്പം നിലനിർത്താൻ സഹായിക്കും.

ഈ വാര്‍ത്ത കൂടി വായിക്കൂ 

മാതാപിതാക്കളുടെ വേർപിരിയൽ അടക്കമുള്ള മാനസിക ആഘാതങ്ങൾ; വളരുമ്പോൾ കുട്ടികളെ ദേഷ്യക്കാരാക്കാം

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ