ലൗലോലിക്ക വീട്ടിലുണ്ടോ? ദിവസവും 100ഗ്രാം കഴിക്കാം; ഹൃദയാരോ​ഗ്യം മെച്ചപ്പെടും 

ലൂബിക്ക, ലൗലോലിക്ക, റൂബിക്ക, ളൂബിക്ക, ഗ്ലോബക്ക എന്നിങ്ങനെ പല പേരുകളിൽ അറിയപ്പെടുന്ന പഴം നമ്മുക്ക് സുലഭമായി കിട്ടുന്നതാണ്. ഇത് പതിവായി കഴിക്കുന്നത് ഹൃദയാരോ​ഗ്യത്തിന് നല്ലതാണെന്നാണ് പുതിയ കണ്ടെത്തൽ. ദിവസവും 100ഗ്രാം ലൂബിക്ക കഴിക്കുന്നത് ഹൃദയധമനികളുടെ പ്രവർത്തനം മെച്ചപ്പെടുത്തുമെന്ന് പുതിയ പഠനത്തിൽ കണ്ടെത്തിയിട്ടുണ്ട്. ഇവ ഹൃദയാഘാത സാധ്യത കുറയ്ക്കുകയും ഹൃദയസംബന്ധമായ ആരോഗ്യം നിലനിർത്താൻ സഹായിക്കുകയും ചെയ്യും. 

മിതമായ അളവിൽ ലൂബിക്ക കഴിക്കുമ്പോൾ ഹൃദയാരോ​ഗ്യം മെച്ചപ്പെടുമെന്നത് ഹൃദയസംബന്ധമായ അസുഖങ്ങൾ തടയുന്നതിൽ ഒരു പ്രധാന പഴമായി ഇവയെ മാറ്റുന്നു. ലൂബിക്കയിൽ ഫ്ലേവനോയ്ഡുകളുടെ സാന്നിധ്യത്തിൽ ആന്റിഓക്‌സിഡന്റ് ഏജന്റുകൾ അടങ്ങിയിരിക്കുന്നതിനാൽ അവ രക്തപ്രവാഹത്തിന് സാധ്യത കുറയ്ക്കും. ഈ പഴം കഴിക്കുമ്പോൾ രക്തത്തിലെ പോളിഫിനോളും മെറ്റബോളിറ്റും വർദ്ധിക്കുന്നതിനാലാണ് ഹൃദയ സംബന്ധമായ അസുഖങ്ങൾ തടയുന്നതിൽ ഇവ പ്രധാന പങ്ക് വഹിക്കുന്നുണ്ടെന്ന് വിദ​ഗ്ധർ പറയുന്നത്. 

പഴങ്ങളുടെയും പച്ചക്കറികളുടെയും കുറഞ്ഞ ഉപഭോ​ഗമാണ് ഹൃദയ സംബന്ധമായ രോഗങ്ങൾ വർദ്ധിക്കാൻ പ്രധാന കാരണമായി കണക്കാക്കപ്പെടുന്നത്. മറ്റ് പഴങ്ങളിൽ കാണപ്പെടുന്ന പോളിഫിനോളുകളെ അപേക്ഷിച്ച് ക്രാൻബെറികളിൽ സവിശേഷമായ പ്രോന്തോസയാനിഡിനുകൾ അടങ്ങിയിട്ടുണ്ട്. ഹൃദയാരോ​ഗ്യം മെച്ചപ്പെടുത്തുന്ന പോളിഫിനോളുകൾ ബെറികളിൽ അടങ്ങിയിട്ടുണ്ടെന്ന് സൂചന വർദ്ധിപ്പിക്കുന്നതാണ് ലഭിക്കുന്ന പുതിയ തെളിവുകളൊക്കെയും.