മഞ്ഞുപൊഴിയുന്ന ഡിസംബറിൽ ക്രിസ്മസിന് വേണ്ടിയുള്ള ഒരുക്കത്തിലാണ് നാടും ന​ഗരവും. സാന്താക്ലോസും നക്ഷത്രങ്ങളും പുൽക്കൂടുമായി ക്രിസ്മസ് ട്രീയുമായി ആകെ ക്രിസ്മസ് വൈബിലാണ്. എന്നാൽ ഇത്തവണ ക്രിസ്മസിന് ഒരു പ്രത്യേകത കൂടിയുണ്ട്.

ഈ വർഷം ക്രിസ്മസ് വരുന്നത് 25/12/25 എന്ന തീയതിയിലാണ്. സംഖ്യാപരമായ ഒരു സവിശേഷതയാണത്. നൂറ്റാണ്ടിലൊരിക്കൽ മാത്രം സംഭവിക്കുന്ന ഒരു പ്രത്യേകത. എല്ലാ വർഷവും ക്രിസ്മസ് 25-ാം തീയതിയാണെങ്കിലും ഇത്തവണ വർഷവും 25-ലാണ് അവസാനിക്കുന്നത്. അതായത് ക്രിസ്മസ് തീയതിയും വർഷവും അവസാനിക്കുന്നത് ഒരുപോലെ.

ഇത് വളരെ അപൂർവമാണ്. മുന്നിൽ നിന്നും പിന്നിൽ നിന്നും വായിച്ചാൽ ഒരുപോലെ തന്നെ എന്നതും മറ്റൊരു സവിശേഷത. ഇതിനുമുമ്പ് ഇങ്ങനെയുണ്ടായിട്ടുള്ളത് 1925-ലാണ്. ഇനിയിങ്ങനെ സംഭവിക്കുക 2125-ലായിരിക്കും. അതായത് 100 വർഷം കൂടി കാത്തിരിക്കേണ്ടി വരുമെന്നർഥം. അതുകൊണ്ടുതന്നെ പലയാളുകൾക്കും ഇതൊരു കൗതുകമാണ്.