നീര്‍നായ പോലും തോറ്റു പോകും!; വലിയ പുഴ നീന്തിക്കടക്കുന്ന മുയല്‍, വൈറല്‍ വീഡിയോ 

ആനയും പുലിയുമൊക്കെ പുഴ നീന്തി കടക്കുന്നത് കണ്ടിട്ടുണ്ട്. എന്നാല്‍ മുയല്‍ പുഴ നീന്തി കടക്കുന്നു എന്ന് കേള്‍ക്കുന്നത് തന്നെ അത്ഭുതമാണ്. എപ്പോഴും ഓടുന്നതായിട്ട് മാത്രം കണ്ടിട്ടുള്ള മുയല്‍ പുഴ നീന്തി കടക്കുന്ന അമ്പരപ്പിക്കുന്ന വീഡിയോയാണ് ഇപ്പോള്‍ വൈറലാകുന്നത്.

സുശാന്ത നന്ദ ഐഎഫ്എസാണ് വീഡിയോ ട്വിറ്ററില്‍ പങ്കുവെച്ചത്. മുയല്‍ പുഴ നീന്തി കടക്കുന്നതാണ് വീഡിയോയുടെ തുടക്കത്തില്‍. നീര്‍നായ ആയിരിക്കുമെന്നാണ് ഒറ്റനോട്ടത്തില്‍ തോന്നുക. എന്നാല്‍ തീരത്ത് അടുക്കുമ്പോഴാണ് പുഴ നീന്തി കടക്കുന്നത് മുയല്‍ ആണ് എന്ന് വ്യക്തമാകുന്നത്. പതിവ് പോലെ തീരത്ത് എത്തിയ ഉടനെ മുയല്‍ ഓടിമറയുന്നതും വീഡിയോയില്‍ വ്യക്തമാണ്.