കാറും ഓട്ടോറിക്ഷയും കൂട്ടിയിടിച്ചു; ഓട്ടോ ഡ്രൈവര്‍ മരിച്ചു

കണ്ണൂര്‍: കാറും ഓട്ടോറിക്ഷയും കൂട്ടിയിടിച്ച് ഓട്ടോ ഡ്രൈവര്‍ മരിച്ചു. ഇരിട്ടിക്കടുത്ത് പയഞ്ചേരി വികാസ് നഗറില്‍ സരോവരം നിവാസില്‍ കെ.സുരേഷ് ബാബുവാ( 52 )ണ് മരിച്ചത്. ഇന്ന് രാവിലെ 8.15ന് ഇരിട്ടി - കണ്ണൂര്‍ റൂട്ടില്‍ കാഞ്ഞിരോട് സര്‍വീസ് സഹ.ബാങ്കിന് സമീപത്തായിരുന്നു അപകടം.

കണ്ണൂര്‍ ഭാഗത്തു നിന്നും വരികയായിരുന്ന കാര്‍ ഇരിട്ടിയില്‍ നിന്നും കണ്ണൂരിലേക്ക് ട്രിപ്പ് പോവുകയായിരുന്ന സുരേഷ് ബാബുവിന്റെ ഓട്ടോറിക്ഷയുമായി കൂട്ടിയിടിക്കുകയായിരുന്നു.

തലയ്ക്കും നെഞ്ചിനും ഗുരുതര പരിക്കേറ്റ സുരേഷ് ബാബുവിനെ ഉടന്‍ കണ്ണൂര്‍ എ കെ.ജി ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം പോസ്റ്റുമോര്‍ട്ടം നടപടികള്‍ക്കായി മോര്‍ച്ചറിയിലേക്ക് മാറ്റി.

പയഞ്ചേരിയിലെ പരേതരായ കരിന്ത കുഞ്ഞിക്കണ്ണന്‍ നമ്പ്യാരുടെയും കണിയേരി സരോജിനിയമ്മയുടെയും മകനാണ്. ഭാര്യ: ഷൈനി. മക്കള്‍: വൈദേഹി ( ബിരുദ വിദ്യാര്‍ത്ഥി ), ഹര്‍ഷ വര്‍ദ്ധന്‍ (പ്ലസ് ടു വിദ്യാര്‍ത്ഥി ചാവശ്ശേരി ഗവ.ഹയര്‍ സെക്കന്ററി സ്‌കൂള്‍), കാര്‍ത്തിക് ദേവനായക് (പത്താം ക്ലാസ് വിദ്യാര്‍ത്ഥി എടൂര്‍ സെന്റ് മേരീസ് ഹയര്‍ സെക്കന്ററി സ്‌കൂള്‍ വിദ്യാര്‍ത്ഥി )സഹോദരങ്ങള്‍: ജയപ്രകാശ് (പി ആര്‍ ഡി ഓഫിസ് കണ്ണൂര്‍), പ്രേമരാജന്‍ (കണ്ണൂര്‍ കോര്‍പ്പറേഷന്‍), പ്രസീജ (കണ്ണൂര്‍)