കൂറ്റനാട് നിർമാണത്തിലിരുന്ന വീട് തകർന്നുവീണു; രാത്രിയായതിനാൽ ഒഴിവായത് വൻ ദുരന്തം

തൃത്താല: കൂറ്റനാട് പട്ടിത്തറ പഞ്ചായത്തിൽ നിർമാണത്തിലിരുന്ന വീട് പൂർണ്ണമായും തകർന്നുവീണു. വട്ടേനാട് സ്വദേശി ആരിഫിന്റെ ഉടമസ്ഥതയിലുള്ള വീടാണ് കഴിഞ്ഞ ദിവസം രാത്രിയോടെ തകർന്നുവീണത്. നിലവിലുണ്ടായിരുന്ന കെട്ടിടത്തിന്റെ നവീകരണ പ്രവർത്തനങ്ങൾ പുരോഗമിച്ചുവരുന്നതിനിടെയാണ് അപ്രതീക്ഷിതമായി അപകടം സംഭവിച്ചത്.

അപകടം നടന്നത് രാത്രി സമയത്തായതിനാലും ആ സമയത്ത് തൊഴിലാളികൾ സ്ഥലത്തില്ലാതിരുന്നതിനാലും വൻ ദുരന്തമാണ് ഒഴിവായത്. സംഭവത്തിൽ ആർക്കും പരിക്കേറ്റിട്ടില്ല. കെട്ടിടം പെട്ടെന്ന് തകർന്നുവീഴാനുണ്ടായ യഥാർത്ഥ കാരണം എന്താണെന്ന് വ്യക്തമായിട്ടില്ല.