പുരികം ഉയര്‍ത്തിക്കൊണ്ടുള്ള ഒരൊറ്റ നോട്ടത്തില്‍ കേരളത്തില്‍ തരംഗമായിക്കൊണ്ടിരിക്കുകയാണ് പ്രിയ വാര്യര്‍ എന്ന തൃശൂര്‍കാരി. ഒമര്‍ ലുലു സംവിധാനം ചെയ്യുന്ന ഒരു അഡാറ് ലവ് എന്ന ചിത്രത്തിലെ ആദ്യ ഗാനത്തിലൂടെയാണ് പ്രിയ ശ്രദ്ധിക്കപ്പെടുന്നത്. 

ലോക പ്രണയദിനമായ ഇന്ന് പ്രിയ ആശംസകളര്‍പ്പിച്ചിരിക്കുകയാണ്. ഹാപ്പി വാലന്റൈന്‍സ് ഡേ ഫ്രന്‍ഡ്‌സ് ആന്‍ഡ് ഫാന്‍സ് എന്നാണ് പ്രിയ തന്റെ ട്വിറ്റര്‍ അക്കൗണ്ടില്‍ കുറിച്ത്. കൂടെ തന്റെയും അഡാറ് ലൗവിലെ പാട്ടില്‍ പ്രിയയുടെ കൂടെ കണ്ണിറുക്കാന്‍ കൂടെയുണ്ടായിരുന്ന പയ്യന്റെയും ഫോട്ടോയും ഉണ്ടായിരുന്നു.

ഒരു സീനില്‍ മാത്രമുണ്ടായിരുന്ന പ്രിയയുടെ നോട്ടവും കണ്ണിറുക്കലുമെല്ലാം പാട്ടിനേക്കാള്‍ ശ്രദ്ധ നേടിയിരിക്കുകയാണ്. ഇതോടെ പ്രിയയ്ക്ക് സിനിമയില്‍ കൂടുതല്‍ പ്രാധാന്യം നല്‍കാന്‍ തിരക്കഥ മാറ്റിയെഴുതുകയാണ് സംവിധായകന്‍. 

ജൂനിയര്‍ ആര്‍ട്ടിസ്റ്റുകളാകാനെത്തിയ കുട്ടികളെ കണ്ട് അവരുടെ കഴിവുകള്‍ തിരിച്ചറിഞ്ഞ് മുന്നിലേക്ക് കൈപിടിച്ചുയര്‍ത്തിയത് സംവിധായകനായ ഒമര്‍ ലുലുവാണ്. പെണ്‍കുട്ടികളില്‍ ഏറ്റവും കൂടുതല്‍ ക്ലിക്കായത് പ്രിയയും. യുട്യൂബില്‍ 50 ലക്ഷം ആളുകള്‍ കണ്ട പാട്ട് ഇപ്പോഴും ട്രെന്‍ഡിങ് സ്ഥാനത്ത് ഒന്നാമതാണ്.