'102 ഡിഗ്രിയില്‍ നിന്ന് കുറയുന്നില്ല; നാലു ദിവസമായി കടുത്ത പനി': നടി ഹിന ഖാന്‍ ആശുപത്രിയില്‍

ബോളിവുഡ് നടി ഹിന ഖാന്‍ ആശുപത്രിയില്‍. കടുത്ത പനിയെ തുടര്‍ന്നാണ് നടിയെ ആശുപത്രിയില്‍ പ്രവേശിപ്പിച്ചത്. ഇന്‍സ്റ്റഗ്രാമിലൂടെ താരം തന്നെയാണ് ആശുപത്രിയില്‍ ചികിത്സ തേടിയ വിവരം ആരാധകരെ അറിയിച്ചത്. 

ആശുപത്രി കിടക്കയില്‍ നിന്നുള്ള ചിത്രത്തിനൊപ്പമായിരുന്നു പോസ്റ്റ്. കഴിഞ്ഞ നാലു ദിവസമായി കടുത്ത പനിയാണ് എന്നാണ് താരം പറയുന്നത്. ശരീരോഷ്മാവ് 103 ഡിഗ്രി നരെ ഉയര്‍ന്നതായും ഹിന ഖാന്‍ പറഞ്ഞു. കടുത്ത പനിയുമായി നാല് ദിവസം കഷ്ടപ്പെട്ടു. ഈ പനി കുറയുന്നേയില്ല. 102-103 ഡിഗ്രിയില്‍ തുടരുകയാണ്. എനിക്ക് ഒന്നിനും ഊര്‍ജമില്ല. എന്നെക്കുറിച്ച് ഓര്‍ത്ത് വിഷമിക്കുന്നവര്‍ക്കായുള്ള വിവരമാണിത്. ഞാന്‍ തിരിച്ചുവരും.- ഹിന ഖാന്‍ കുറിച്ചു. 

ടെലിവിഷന്‍ സീരിയലുകളിലൂടെയാണ് ഹിന ഖാന്‍ ശ്രദ്ധേയയാവുന്നത്. തുടര്‍ന്ന് ബിഗ് ബോസിലും മത്സരാര്‍ത്ഥിയായി എത്തി. കണ്ട്രി ഓഫ് ബ്ലൈന്റ് ആണ് താരത്തിന്റേതായി അവസാനം പുറത്തിറങ്ങിയ ചിത്രം.

ഈ വാര്‍ത്ത കൂടി വായിക്കൂ 

മദ്യമൊഴിച്ച് കേക്കിന് തീകൊളുത്തി 'ജയ് മാതാ ദി' വിളി; രൺബീർ കപൂർ മതവികാരം വ്രണപ്പെടുത്തിയെന്ന് പരാതി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ