കോവിഡ് വാക്സിൻ സ്വീകരിച്ച് പ്രിയ വാര്യർ; ചിത്രങ്ങൾ 

കോവിഡ് വാക്സിന്റെ ആദ്യ ഡോസ് സ്വീകരിച്ച് നടി പ്രിയ വാര്യർ. കുത്തിവയ്പ്പെടുക്കുന്ന ചിത്രങ്ങൾ പങ്കുവച്ച് പ്രിയ തന്നെയാണ് ഇക്കാര്യം സോഷ്യൽമീഡിയയിലൂടെ പങ്കുവച്ചത്. വാക്സിനേഷൻ ഡൺ എന്നാണ് ചിത്രത്തിനൊപ്പം കുറിച്ചത്. 

കുത്തിവയ്പ്പെടുക്കുന്നതിന് മുമ്പെടുത്ത ചിത്രത്തിൽ സന്തോഷിച്ച് വിക്ടറി ആം​ഗ്യം കാണിച്ചാണ് പ്രിയ ഇരിക്കുന്നത്. എന്നാൽ കുത്തിവയ്പ്പെടുക്കുന്ന രണ്ടാമത്തെ ചിത്രത്തിൽ കണ്ണിറുക്കി അടച്ചിരിക്കുന്ന പ്രിയയെ കാണാം. 

അഡാറ് ലൗ എന്ന ചിത്രത്തിലെ 'മാണിക്യ മലരായ പൂവെ' എന്ന ഒറ്റ ​ഗാനത്തിലൂടെ ഹിറ്റായ നടിയാണ് പ്രിയ. പിന്നീട് ബോളിവുഡ് ചിത്രങ്ങളിലടക്കം അഭിനയിച്ച താരം ഇതിനോടകം ഏറെ ആരാധകരെ സ്വന്തമാക്കിക്കഴിഞ്ഞു. മലയാളിയായ പ്രശാന്ത് മാമ്പുള്ളി ഒരുക്കുന്ന ഹിന്ദി ചിത്രം ശ്രീദേവി ബംഗ്ലാവ് ആണ് നടിയുടേതായി റിലീസിനൊരുങ്ങുന്ന സിനിമ.