പാപ്പരാസികളെ പേടിച്ച് സ്‌പെയ്‌നിലേക്ക് താമസം മാറി, ഹോളിവുഡ് ഉപേക്ഷിച്ചു? മറുപടിയുമായി ആംബര്‍ ഹേർഡ്

നടനും മുന്‍ ഭര്‍ത്താവുമായ ജോണി ഡെപ്പുമായുള്ള നിയമപോരാട്ടമാണ് നടി ആംബര്‍ ഹേർഡിനെ വിവാദനായികയാക്കിയത്. കേസില്‍ പരാജയപ്പെട്ടതിനു പിന്നാലെ രൂക്ഷമായ വിമര്‍ശനമാണ് താരം നേരിടേണ്ടി വന്നത്. അടുത്തിടെയാണ് താരം സ്‌പെയ്‌നിലേക്ക് താമസം മാറിയെന്നും ഹോളിവുഡ് ഉപേക്ഷിച്ചെന്നുമുള്ള റിപ്പോര്‍ട്ടുകള്‍ വന്നത്. ഇപ്പോള്‍ അതില്‍ പ്രതികരണവുമായി താരം തന്നെ രംഗത്തെത്തിയിരിക്കുകയാണ്. 

മകള്‍ക്കൊപ്പം ആംബര്‍ ഹേർഡ് സ്‌പെയ്‌നിലെ മാന്‍ഡ്രിഡിലേക്ക് താമസം മാറി എന്നായിരുന്നു റിപ്പോര്‍ട്ട്. സമാധാനപരമായ ജീവിതം നയിക്കാനും പാപ്പരാസികളില്‍ നിന്ന് രക്ഷപ്പെടാനുമായിരുന്നു ഈ മാറ്റം എന്നാണ് പറഞ്ഞിരുന്നത്. ലൈംലൈറ്റ് വിട്ട് സ്‌പെയ്‌നില്‍ വളരെ സാധാരണ ജീവിതമാണ് നയിക്കുന്നതെന്നും റിപ്പോര്‍ട്ടുകള്‍ വന്നു. ഇതിനെ പിന്തുണയ്ക്കുന്ന തരത്തിലുള്ള സ്‌പെയ്‌നില്‍ നിന്നുള്ള ആംബര്‍ ഹേർഡിന്റെ ചിത്രങ്ങളും പുറത്തുവന്നു. ഇതോടെയാണ് പ്രതികരണവുമായി താരം എത്തിയത്. 

സ്‌പെയ്ന്‍ ഇഷ്ടമായതിനാലാണ് ഇവിടെ താമസിക്കുന്നത് എന്നാണ് താരം പറഞ്ഞത്. കുറച്ചു നാള്‍ സ്‌പെയ്‌നില്‍ താനുണ്ടാകുമെന്നും താരം പറഞ്ഞു. ഹോളിവുഡ് ഉപേക്ഷിച്ചിട്ടില്ലെന്നും ആംബര്‍ പറഞ്ഞു. തന്റെ പുതിയ പ്രൊജക്ടുകളെക്കുറിച്ചും താരം പറഞ്ഞു. 2022 ജൂലൈയില്‍ കാലിഫോര്‍ണിയയിലെ വീട് വിറ്റതിനു ശേഷമാണ് ആംബര്‍ സ്‌പെയ്‌നിലേക്ക് താമസം മാറിയത്. അക്വാമാന്‍ 2 ആണ് ആംബറിന്റെ പുതിയ ചിത്രം.