'ഇന്നും സിനിമ കാണുമ്പോള്‍ അവള്‍ക്കായി ഒരു സീറ്റ് ബുക്ക് ചെയ്തിടും; പ്രൊപ്പോസലുകള്‍ വന്നു, പക്ഷെ ശ്രീക്ക് പകരമൊരാളെ സങ്കല്‍പ്പിക്കാനാകില്ല'

മലയാളികള്‍ക്ക് പ്രിയപ്പെട്ട നിരവധി പാട്ടുകള്‍ പാടിയിട്ടുള്ള ഗായകന്‍ ആണ് ബിജു നാരായണന്‍. തന്റെ ഭാര്യയുടെ വിയോഗം ബിജുവിനെ ഇന്നും അലട്ടുന്ന നോവാണ്. 2019 ലാണ് ബിജുവിന്റെ ഭാര്യ ശ്രീലത മരിക്കുന്നത്. ക്യാന്‍സര്‍ ബാധിതയായിരുന്നു. ശ്രീലതയെ താന്‍ ഇന്നും മിസ് ചെയ്യുന്നുണ്ടെന്നാണ് ബിജു നാരായണന്‍ കാന്‍ ചാനല്‍ മീഡിയയ്ക്ക് നല്‍കിയ അഭിമുഖത്തില്‍ പറയുന്നത്.

''രോഗ വിവരം അറിയാന്‍ വൈകി. ഒന്നും ചെയ്യാന്‍ പറ്റാത്ത അവസ്ഥയായിരുന്നു. നാലാമത്തെ സ്റ്റേജിലെത്തിയിരുന്നു. ആറ് മാസമാണ് രോഗം സ്ഥിരീകരിച്ച ഡോക്ടര്‍മാര്‍ പറഞ്ഞത്. പിന്നീട് ഗംഗാധരന്‍ ഡോക്ടറെ കണ്ടപ്പോള്‍ അദ്ദേഹം നാല് മാസം കൂടി കൂട്ടി തന്നു. 2018 ല്‍ ഒക്ടോബറിലാണ് രോഗം കണ്ടുപിടിക്കുന്നത്. 2019 ഒക്ടോബര്‍ 13-ാം തിയതി ഈ ലോകത്തു നിന്നും പോയി. ആ പത്ത് മാസം ഞാന്‍ പരിപാടികളൊന്നും ഏറ്റെടുത്തിരുന്നില്ല. റെക്കോര്‍ഡിങുകളും മാറ്റിവച്ചുവെന്നാണ് ബിജു നാരായണന്‍ പറയുന്നത്.'' ബജു നാരായണന്‍ പറയുന്നു.

''പാടാന്‍ പറ്റുന്ന മാനസികാവസ്ഥയിലായിരുന്നില്ല താന്‍ എന്നാണ് ബിജു നാരായണ്‍ പറയുന്നത്. അതിനാല്‍ വലിയൊരു ഗ്യാപ്പുണ്ടായി. പിന്നീട് തിരികെ വരുന്നതിനിടെയാണ് കൊവിഡും ലോക്ക്ഡൗണും സംഭവിക്കുന്നത്. ആ സമയം താന്‍ മാനസികമായ തകര്‍ന്നുപോയിരുന്നുവെന്നാണ് അദ്ദേഹം പറയുന്നത്. 24 മണിക്കൂറും വീട്ടില്‍ തന്നെയിരിക്കേണ്ടി വന്നതോടെ ഭാര്യയുടെ ഓര്‍മകളിലായിരുന്നു താന്‍ കഴിഞ്ഞിരുന്നത്. ആ അഞ്ചാറുമാസം വളരെയധികം സ്ട്രഗിള്‍ ചെയ്തുവെന്നും അദ്ദേഹം പറയുന്നു''.

വീട്ടില്‍ എല്ലാ കാര്യങ്ങളും ചെയ്തിരുന്നത് ശ്രീയായിരുന്നു. ഞാന്‍ ഒന്നും അറിഞ്ഞിരുന്നില്ല. പരിപാടികളും റെക്കോര്‍ഡിംഗ്‌സുമായി നടക്കുകയായിരുന്നു ഞാന്‍. വീട്ടിലെ കാര്യങ്ങളും അച്ഛന്റേയും അമ്മയുടേയും കാര്യങ്ങളും ബാങ്കിംഗുമെല്ലാം അവളായിരുന്നു ചെയ്തിരുന്നത്. എല്ലാക്കാര്യങ്ങളും എഴുതിവച്ച്, എല്ലാം എന്നെ പഠിപ്പിച്ച ശേഷമാണ് ഈ ലോകം വിട്ടുപോയതെന്നും ബിജു നാരായണന്‍ പറയുന്നു.

വിവാഹാലോചനകള്‍ മാസങ്ങള് കഴിഞ്ഞപ്പോള്‍ തന്നെ വന്നിരുന്നു. ഇപ്പോഴും വരുന്നുണ്ട്. പക്ഷെ ശ്രീയ്ക്ക് പകരം മറ്റൊരാളെ സങ്കല്‍പ്പിക്കാന്‍ കഴിയുന്നില്ല. ആറ് വര്‍ഷം കഴിഞ്ഞുവെങ്കിലും എന്റെ വീട്ടില്‍ ശ്രീയുടെ സാന്നിധ്യമുണ്ട്. യാത്ര ചെയ്യുമ്പോഴും സിനിമ കാണാന്‍ പോകുമ്പോഴും ചിലപ്പോള്‍ തൊട്ടടുത്ത സീറ്റും കൂടെ ഞാന്‍ ചെയ്തിടും. കാരണം എനിക്ക് റെക്കോര്‍ഡിങൊന്നും ഇല്ലാതിരിക്കുമ്പോള്‍, മക്കള്‍ സ്‌കൂളില്‍ പോയിക്കഴിഞ്ഞാല്‍ ഞങ്ങള്‍ക്ക് ആകെയുള്ള വിനോദം സിനിമയായിരുന്നു. ഒരുമിച്ചേ സിനിമയ്ക്ക് പോകാറുള്ളൂ. യാത്ര ചെയ്യുമ്പോഴൊക്കെ ഞാന്‍ ഒരുപാട് മിസ് ചെയ്യാറുണ്ടെന്നും അദ്ദേഹം പറയുന്നു.