'നിങ്ങളുടെ പ്രാർഥനകൾ ഫലം കണ്ടു'; ആരോ​ഗ്യസ്ഥിതിയിൽ പുരോഗതിയുണ്ടെന്ന് ബോംബെ ജയശ്രീ

ആരാധകരോട് തന്റെ ആരോ​ഗ്യ വിവരം പങ്കുവെച്ച് കർണാടിക് സം​ഗീതജ്ഞ ബോംബെ ജയശ്രീ. എല്ലാവരുടെയും പ്രാർഥനും അനു​ഗ്രഹും കൊണ്ട് ആരോ​ഗ്യം വീണ്ടെടുക്കുന്നതായി ജയശ്രീ ട്വിറ്ററിൽ കുറിച്ചു. സം​ഗീത പരിപാടി അവതരിപ്പിക്കുന്നതിനായി യുകെയിലെത്തിയ ബോംബെ ജയശ്രീ കഴിഞ്ഞ മാസം 25നാണ് മസ്തി‌ഷ്‌കാഘാതത്തെ തുടർന്ന് ആശുപത്രിയിൽ പ്രവേശിപ്പിച്ചത്. 

ഇം​ഗ്ലണ്ടിലെ ലിവർപൂളിൽ വെച്ചായിരുന്നു ദേഹാസ്വസ്ഥ്യം അനുഭവപ്പെട്ടത്. തുടർന്ന് ഗായികയെ കീ ഹോൾ ശസ്ത്രക്രിയയ്ക്ക് വിധേയയാക്കിയിരുന്നു. നിലവിൽ യുകെയിൽ ഒരു ബന്ധുവിന്റെ വീട്ടിലാണ് ബോംബെ ജയശ്രീയുള്ളത്. നല്ല പരിചരണമാണ് യുകെയിൽ ലഭിച്ചതെന്നും അവർ പതിയെ ജീവിതത്തിലേക്ക് മടങ്ങിവരികയാണെന്നും മകൻ അമൃത് രം​ഗനാഥ് അറിയിച്ചു. 

ഈ വാര്‍ത്ത കൂടി വായിക്കൂ

പൊലീസിനു നേരെ ആക്രമണം; കൊച്ചിയിൽ യുവനടൻ അറസ്റ്റിൽ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ