കോവിഡ് മുക്തനായി; വടിവേലു ആശുപത്രി വിട്ടു

ചെന്നൈ: തമിഴ് നടന്‍ വടിവേലു കോവിഡ് മുക്തനായി ആശുപത്രി വിട്ടു. ഇന്ന് വൈകീട്ടാണ് ആശുപത്രിയില്‍ നിന്ന് ഡിസചാര്‍ജ് ചെയ്തത്. ലണ്ടനില്‍ സ്വകാര്യ ചടങ്ങില്‍ പങ്കെടുത്ത് തിരിച്ചെത്തിയതിന് പിന്നാലെയായിരുന്നു കോവിഡ് സ്ഥിരീകരിച്ചത്.

നടന്‍ വടിവേലു പൂര്‍ണമായി സുഖം പ്രാപിച്ചതായും, അദ്ദേഹത്തെ ആശുപത്രിയില്‍ നിന്നും ഡിസ്ചാര്‍ജ് ചെയ്തതായും ശീരാമചന്ദ്ര മെഡിക്കല്‍ സെന്റര്‍ ഡയറക്ടര്‍ ഡോ. സുഹാസ് പറഞ്ഞു.

ഡിസംബര്‍ 23നാണ് അദ്ദേഹത്തെ കോവിഡ് സ്ഥിരീകരിച്ചതിനെ തുടര്‍ന്ന് ചെന്നൈയിലെ ശീരാമചന്ദ്ര മെഡിക്കല്‍ സെന്ററില്‍ പ്രവേശിപ്പിച്ചത്. വടിവേലു നായകനാവുന്ന നായ് ശേഖര്‍ റിട്ടേണ്‍സ് എന്ന ചിത്രത്തിന്റെ പൂജ അടുത്തിടെ നടന്നിരുന്നു.