പരിപാടിക്കിടെ മുഖത്തേക്ക് മദ്യം ഒഴിച്ചു, മൈക്ക് കൊണ്ട് എറിഞ്ഞ് ഗായിക; വിഡിയോ വൈറല്‍

സംഗീത പരിപാടിക്കിടെ മുഖത്തേക്ക് മദ്യം ഒഴിച്ച ആരാധകനെ കൈകാര്യം ചെയ്ത് ഗായിക. അമേരിക്കന്‍ റാപ് ഗായിക കാര്‍ഡി ബിയ്ക്കാണ് മോശം അനുഭവമുണ്ടായത്. ക്ഷുഭിതയായ ഗായിക കയ്യിലുണ്ടായിരുന്ന മൈക്ക് മദ്യം ഒഴിച്ച ആള്‍ക്ക് നേരെ എറിയുകയായിരുന്നു. 

ശനിയാഴ്ച നടന്ന സംഗീത പരിപാടിക്കിടെയായിരുന്നു സംഭവം. സ്റ്റേജില്‍ നിന്ന് തന്റെ ഹിറ്റ് ഗാനമായ ബോഡാക് യെല്ലോ ആലപിക്കുകയായിരുന്നു താരം. അതിനിടെ കാണികളുടെ അടുത്തേക്ക് താരം വന്നു. അതിനിടെയാണ് കൂട്ടത്തില്‍ ഒരാള്‍ കപ്പിലെ മദ്യം ഗായികയ്ക്ക് നേരെ ഒഴിച്ചത്. 

അമ്പരന്നുപോയ ഗായിക ഗാനം നിര്‍ത്തിയശേഷം കയ്യിലുണ്ടായിരുന്ന മൈക്ക് എടുത്ത് അയാള്‍ക്ക് നേരെ എറിയുകയായിരുന്നു. കൂടാതെ അയാളെ ചീത്ത വിളിക്കുന്നതും വിഡിയോയില്‍ കാണാം. പിന്നാലെ ഇയാളെ സുരക്ഷാ ജീവനക്കാര്‍ പുറത്താക്കി. ഇതിന്റെ വിഡിയോ ​ഗായക തന്നെ പങ്കുവച്ചിട്ടുണ്ട്.  സോഷ്യല്‍ മീഡിയയില്‍ വൈറലാവുകയാണ് വിഡിയോ.

ഈ വാര്‍ത്ത കൂടി വായിക്കൂ 

ലിയോയെ വെല്ലാൻ ആന്റണി ദാസ്; സഞ്ജയ് ദത്തിന്റെ ഫസ്റ്റ് ലുക്ക് പുറത്ത്, ​ഗംഭീരമെന്ന് ആരാധകർ; വിഡിയോ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ