നടൻ ജെറെമി റെന്നര്‍ മരിച്ചെന്ന് വ്യാജവാര്‍ത്ത; രൂക്ഷമായി പ്രതികരിച്ച് ആരാധകര്‍

മാര്‍വല്‍ താരം ജെറെമി റെന്നറിനുണ്ടായ അപകടം ആരാധകരെ ഒന്നടങ്കം ആശങ്കയിലാക്കിയിരുന്നു. ഗുരുതരമായി പരുക്കേറ്റ താരം ജീവിതത്തിലേക്ക് തിരിച്ചുവരികയാണ്. കഴിഞ്ഞ ദിവസം ജെറെമി വാര്‍ത്തകളില്‍ നിറഞ്ഞത് ഒരു വ്യാജവാര്‍ത്തയുടെ പേരിലാണ്. മാര്‍വല്‍ താരം മരിച്ചു എന്നു പറഞ്ഞായിരുന്നു വ്യാജവാര്‍ത്ത. 

എസ്‌കലേറ്റര്‍ അപകടത്തില്‍ താരം മരിച്ചു എന്നായിരുന്നു വാര്‍ത്തകള്‍. പിന്നാലെ ആര്‍ഐപി ജെറെമി റെന്നര്‍ എന്ന ഹാഷ്ടാഗ് വൈറലായിരുന്നു. എന്നാല്‍ വാര്‍ത്ത വ്യാജമാണെന്ന് അറിഞ്ഞതോടെ രൂക്ഷപ്രതികരണവുമായി ആരാധകര്‍ രംഗത്തെത്തി. 

ഗൂഗിള്‍ ചെയ്താല്‍ ജെറെമി റെന്നര്‍ ജീവനോടെയുണ്ട് എന്ന് മനസിലാക്കാനാവും എന്നാണ് ആരാധകരുടെ പ്രതികരണം. വ്യാജ പ്രചരണം നടത്തുന്നതിനെതിരെ രൂക്ഷ വിമര്‍ശനവും ഉന്നയിച്ചു. വ്യാജ വാര്‍ത്തകള്‍ക്കിടെ ജെറേമി ഇന്‍സ്റ്റഗ്രാമില്‍ വിഡിയോ പങ്കുവച്ചു. 

വീടിന് സമീപത്തെ മഞ്ഞുനീക്കുന്നതിനിടെ കൂറ്റന്‍ യന്ത്രം ദേഹത്തേക്ക് പാഞ്ഞുകയറിയാണ് നടന് പരുക്കേറ്റത്. അപകടത്തില്‍ തന്റെ 30 എല്ലുകള്‍ പൊട്ടിയെന്ന് താരം വെളിപ്പെടുത്തിയിരുന്നു.

ഈ വാര്‍ത്ത കൂടി വായിക്കൂ 

'ആരാധകർ അസ്വസ്ഥരാണ്'; വൈറലായി മമ്മൂട്ടിയുടെ ചിത്രങ്ങൾ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ