ന്യൂഡല്‍ഹി: സ്തനാര്‍ബുദത്തെത്തുടര്‍ന്ന് ചികിത്സയില്‍ കഴിയുകയാണ് നടി ഹിന ഖാന്‍. ചികിത്സയുടെ ഭാഗമായി കീമോയും നടക്കുന്നുണ്ട്. കണ്ണിന്റെ ക്ലോസപ്പ് ചിത്രവും അതിനോടൊപ്പമുള്ള വരികളും ആണ് ഇപ്പോള്‍ ശ്രദ്ധ നേടിയിരിക്കുന്നത്.

മറ്റുകണ്‍പീലികള്‍ എല്ലാം കൊഴിഞ്ഞു പോയപ്പോള്‍ പിടിച്ചു നില്‍ക്കുന്ന അവസാനത്തെ കണ്‍പീലിയാണ് ചിത്രത്തിലുള്ളത്. ഈ കണ്‍പീലിയെ ധീരയെന്നും പോരാളിയെന്നും തനിക്ക് പ്രചോദനവുമാണെന്ന് ഹിന വിശേഷിപ്പിക്കുന്നു.

കിടിലൻ കാമിയോ! 30 വർഷങ്ങൾക്ക് ശേഷം രജനികാന്തിനൊപ്പം ആമിർ ഖാൻ; കൂലി അപ്ഡേറ്റ്

തന്റെ ഇപ്പോഴത്തെ പ്രചോദനത്തിന്റെ ഉറവിടം എന്താണെന്നറിയാമോ എന്ന അടിക്കുറിപ്പാണ് നല്‍കിയിരിക്കുന്നത്.

ഒരിക്കല്‍ എന്റെ കണ്ണുകളെ അലങ്കരിച്ച ശക്തവും മനോഹരവുമായ സൈന്യത്തിന്റെ ഭാഗമായിരുന്നു ഈ കണ്‍പീലിയും. കീമോയുടെ അവസാന ഭാഗത്തോടടുക്കുമ്പോള്‍ ഈ ഒരൊറ്റ കണ്‍പീലി പ്രചോദനമാണ്. ഇന്‍ഷാ അല്ലാഹ് എല്ലാം ശരിയാകുമെന്നും പ്രാര്‍ഥന വേണമെന്നും താരം കുറിച്ചു.