കെജിഎഫ് താരം മോഹൻ ജുനേജ അന്തരിച്ചു

ബെം​ഗളൂരു; തെന്നിന്ത്യൻ നടനും ഹാസ്യതാരവുമായ മോ​​ഹൻ ജുനേജ അന്തരിച്ചു. 54 വയസായിരുന്നു.  ഇന്ന് പുലർച്ചെ ബെം​ഗളൂരുവിലെ സ്വകാര്യ ആശുപത്രിയിൽ വച്ചായിരുന്നു അന്ത്യം. അസുഖങ്ങളെ തുടർന്ന് ചികിത്സയിൽ കഴിയുകയായിരുന്നു. 

വിവിധ ഭാഷകളിലായി നൂറിലേറെ സിനിമകളിൽ അഭിനയിച്ച താരമാണ് മോഹൻ ജുനേജ. സൂപ്പർഹിറ്റായി മാറിയ കെജിഎഫ്  2 ലും പ്രധാന വേഷത്തിൽ അദ്ദേഹം എത്തിയിരുന്നു. കെജിഎഫ് വൻ വിജയമായി മുന്നേറുന്നതിനിടെയുള്ള മോഹൻ ജുനേജയുടെ അപ്രതീക്ഷിത വിയോ​ഗം കന്നഡ സിനിമാലോകത്തെ ഞെട്ടിച്ചിരിക്കുകയാണ്. 

തമിഴ്, തെലുങ്ക്, മലയാളം, ഹിന്ദി, കന്നഡ ഭാഷകളിലെ നിരവധി സിനിമകളിലാണ് അദ്ദേഹം കോമഡി വേഷം ചെയ്തിരിക്കുന്നത്. 2008-ൽ പുറത്തിറങ്ങിയ കന്നഡ റൊമാന്റിക് ചിത്രമായ സംഗമമാണ് നടന്റെ അരങ്ങേറ്റ ചിത്രം. ചെല്ലാത എന്ന സിനിമയിലെ കഥാപാത്രം ശ്രദ്ധിക്കപ്പെട്ടതോടെയാണ് മോഹനെ തേടി കൂടുതൽ അവസരങ്ങൾ വരുന്നത്. കർണാടകയിലെ തുംകുർ സ്വദേശിയായ മോഹൻ ബെംഗളൂരുവിലാണ് പഠിച്ചത്.  ഇവിടെ തന്നെയാണ് സ്ഥിര താമസവും. സംസ്കാര ചടങ്ങുകൾ ഇന്ന് നടക്കുമെന്നാണ് വിവരം. പ്രിയതാരത്തിന് ആദരാഞ്ജലികൾ അർപ്പിച്ചുകൊണ്ട് നിരവധി പേരാണ് എത്തുന്നത്. 

ഈ വാര്‍ത്ത കൂടി വായിക്കൂ

'ആദ്യം വിളിച്ചത് സുരേഷ് ​ഗോപി, പല സൂപ്പർ നടൻമാർക്കും ഇല്ലാത്ത മനുഷ്യത്വം'; അമ്മ രാജിയിൽ മാറ്റമില്ലെന്ന് ഹരീഷ് പേരടി

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ