ലാലേട്ടനെ കാണണം, റോഡിൽ കിടന്ന് ആരാധകൻ: ബം​ഗളൂരുവിൽ വൻ വരവേൽപ്പ്: വിഡിയോ

ബം​ഗളൂരുവിൽ മോഹൻലാലിനെ കാണാനെത്തി വൻ ജനക്കൂട്ടം. ജ്വല്ലറി ഉദ്ഘാടനത്തിനായാണ് താരം ബം​ഗളൂരുവിൽ എത്തിയത്. മലയാളികൾ ഉൾപ്പടെ നിരവധി പേരാണ് പ്രിയതാരത്തെ ഒരുനോക്ക് കാണാൻ വേണ്ടി എത്തിയത്. ഇതോടെ ജനക്കൂട്ടത്തെ നിയന്ത്രിക്കാൻ പൊലീസ് കഷ്ടപ്പെട്ടു. ബം​ഗളൂരുവിൽ നിന്നുള്ള വിഡിയോ സോഷ്യൽ മീഡിയയിൽ വൈറലാവുകയാണ്. 

അതിനിടെ പരിപാടി കഴിഞ്ഞ് വാഹനത്തിൽ കയറിയ മോഹൻലാലിനെ കാണണം എന്ന ആവശ്യവുമായി ഒരു ആരാധകൻ റോഡിൽ കിടന്നു. രിപാടിയുടെ സുരക്ഷാചുമതല ഉള്ളവരും പൊലീസും ചേര്‍ന്ന് ഇയാളെ വഴിയില്‍ നിന്ന് മാറ്റുന്ന വിഡിയോയും പുറത്തുവന്നു. ഏറെ കഷ്ടപ്പെട്ടാണ് മോഹൻലാലിന്റെ വാഹനത്തിന് പോകാനുള്ള വഴി ഒരുക്കിയത്. 

ബ്ലാക്ക് സ്യൂട്ടും കോട്ടും അണിഞ്ഞ് പക്കാ സ്റ്റൈലിഷായാണ് മോഹന്‍ലാല്‍ എത്തിയത്. കന്നഡയിലാണ് മോഹൻലാൽ പ്രസം​ഗം ആരംഭിച്ചത്. ബം​ഗളൂരുവിൽ മികച്ച സ്വീകരണമാണ് മലയാള സിനിമകൾക്ക് ലഭിക്കാറുള്ളത്. രജനീകാന്ത് ചിത്രം ജയിലറിലെ അതിഥി വേഷം വലിയ ശ്രദ്ധനേടിയിരുന്നു. പാന്‍ ഇന്ത്യന്‍ കന്നഡ ചിത്രം വൃഷഭയിലും മോഹൻലാൽ നായകനായി എത്തുന്നുണ്ട്. 

ഈ വാര്‍ത്ത കൂടി വായിക്കൂ 

'ആളുകള്‍ക്ക് അസൂയയാണ്, ഐശ്വര്യ റായ് ഇന്ത്യയിലെ ഏറ്റവും സുന്ദരി'; റിച്ച ഛദ്ദ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ