'എനിക്ക് ഒരുപാട് പ്രതീക്ഷകൾ ഉള്ള സിനിമയാണിത്, ഭയങ്കര ഹാപ്പിയാണ്'; 'മോളിവുഡ് ടൈംസി'നെക്കുറിച്ച് നസ്‌ലിൻ

താൻ ഇതുവരെ ചെയ്തിട്ടുള്ളതിൽ നിന്ന് വ്യത്യസ്തമായ സിനിമയും കഥാപാത്രവുമാണ് 'മോളിവുഡ് ടൈംസി'ലേതെന്ന് നടൻ നസ്‌ലിൻ. 'മോളിവുഡ് ടൈംസ്' ടീസർ ലോഞ്ചിൽ സംസാരിക്കുകയായിരുന്നു നസ്‌ലിൻ. തനിക്ക് ഒരുപാട് പ്രതീക്ഷകൾ ഉള്ള സിനിമയാണിതെന്നും താരം പറഞ്ഞു.

"ഞാൻ ചെയ്തിട്ടുള്ളതിൽ നിന്ന് ഒരുപാട് വ്യത്യാസമുള്ള കഥയും കഥാപശ്ചാത്തലവും കാരക്ടറുമൊക്കെയാണ് മോളിവുഡ് ടൈംസിൽ. നിങ്ങൾക്കും അത് ഇഷ്ടപ്പെടേണ്ടതാണ്. സിനിമ അത്രയും ആവേശം നിറഞ്ഞതാണ്. എല്ലാവരും തിയറ്റിൽ തന്നെ പോയി പടം കാണുക എന്നാണ് എനിക്ക് പറയാനുള്ളത്. പടത്തിന്റെ റിലീസിനായി ഞാനും കാത്തിരിക്കുകയാണ്.

എനിക്ക് ഒരുപാട് പ്രതീക്ഷകൾ ഉള്ള സിനിമ കൂടിയാണ്. ഇതിന്റെ ഫൈനൽ റിസൽറ്റിൽ ഞാൻ ഭയങ്കര ഹാപ്പിയാണ്. നിങ്ങളെ എല്ലാവരെയും എന്റർടെയ്ൻ ചെയ്യിക്കുന്ന നല്ലൊരു സിനിമയായിരിക്കും ഇതെന്ന് എനിക്ക് വിശ്വാസമുണ്ട്. അവധിയൊക്കെ കഴിയുകയാണ് എന്നറിയാം.

എന്നാലും എല്ലാവരും കുട്ടികളുമായിട്ട് തന്നെ ഈ സിനിമ പോയി കാണണം. നല്ലൊരു സിനിമയായിരിക്കും. ഉറപ്പായിട്ടും".- നസ്‍ലിൻ പറഞ്ഞു. "മുകുന്ദന്‍ ഉണ്ണി അസ്സോസിയേറ്റ്സ് "എന്ന ചിത്രത്തിനു ശേഷം അഭിനവ് സുന്ദർ നായക് സംവിധാനം ചെയ്യുന്ന ചിത്രമാണിത്.

നസ്‌ലിന് ഒപ്പം സംഗീത് പ്രതാപ്, ഷറഫുദ്ദീന്‍ എന്നിവരും ചിത്രത്തിൽ കേന്ദ്ര കഥാപാത്രങ്ങളെ അവതരിപ്പിക്കുന്നുണ്ട്. ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാൻ ആണ് ചിത്രം നിർമിക്കുന്നത്. ജൂൺ അ‍ഞ്ചിന് ചിത്രം തിയറ്ററുകളിലെത്തും.