നഞ്ചിയമ്മ മാഞ്ചസ്റ്ററിൽ, ബീറ്റിൽസിനൊപ്പമുള്ള ചിത്രം വൈറൽ

മലയാളികളുടെ പ്രിയപ്പെട്ട പാട്ടുകാരിയാണ് നഞ്ചിയമ്മ. മികച്ച ​ഗായികയ്ക്കുള്ള ദേശിയ പുരസ്കാരം കഴിഞ്ഞ ദിവസമാണ് നഞ്ചിയമ്മ സ്വീകരിച്ചത്. അതിനു പിന്നാലെ ലണ്ടനിൽ സം​ഗീത പരിപാടിക്കായി എത്തിയിരിക്കുകയാണ് നഞ്ചിയമ്മ. വിശ്വ പ്രസിദ്ധ സംഗീത ബാന്റായ ബീറ്റില്‍സിന്റെ തട്ടകമായ ലിവര്‍പൂളിൽ നിന്നുള്ള ​ഗായികയുടെ ചിത്രമാണ് സോഷ്യൽ മീഡിയയിൽ വൈറലാവുന്നത്. 

ലിവർപൂൾ തെരുവിലുള്ള ബീറ്റിൽസിന്റെ പ്രതിമകൾക്കൊപ്പം നിൽക്കുന്ന നഞ്ചിയമ്മയുടെ ചിത്രങ്ങളാണ് പുറത്തുവന്നത്. ഇന്നാണ് പരിപാടി നടക്കുന്നത്. നടനും സംവിധായകനുമായ രമേശ് പിഷാരടിയും​ ഗായിക നിത്യ മാമൻ തുടങ്ങിയവരും നഞ്ചിയമ്മയ്ക്കൊപ്പമുണ്ട്. ലിവർപൂളിൽ കൂടാതെ ബ്രിസ്റ്റോൾ, ലണ്ടൻ എന്നിവിടങ്ങളിലും പരിപാടി നടക്കുന്നുണ്ട്. 

സച്ചി സംവിധാനം ചെയ്ത അയ്യപ്പനും കോശിയിലെ ​ഗാനത്തിലൂടെയാണ് നഞ്ചിയമ്മയ്ക്ക് മികച്ച ​ഗായികയ്ക്കുള്ള പുരസ്കാരം ലഭിച്ചത്. കഴിഞ്ഞ ദിവസം ഡല്‍ഹിയില്‍ നടന്ന പുരസ്‌കാരദാന ചടങ്ങില്‍ രാഷ്രപതി ദ്രൗപതി മുര്‍മുവില്‍ നിന്ന് നഞ്ചിയമ്മ പുരസ്‌കാരം ഏറ്റുവാങ്ങി. അതിന് ശേഷമാണ് സംഗീത പരിപാടിക്കായി ലണ്ടനിലേക്ക് തിരിച്ചത്.

ഈ വാര്‍ത്ത കൂടി വായിക്കൂ 

'എനിക്ക് 99 ബിക്കിനികളുണ്ട്'; ചിത്രങ്ങളുമായി മസാബ ഗുപ്ത

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ