ഹ ഹ ഹ... ഹി ഹി ഹി; ലഹരിക്കേസ് വിവാദങ്ങൾക്കിടെ ഇൻസ്റ്റ​ഗ്രാം സ്റ്റോറിയുമായി പ്രയാഗ മാർട്ടിൻ

ഗുണ്ടാ നേതാവ് ഓം പ്രകാശ് പ്രതിയായ ലഹരിക്കേസിലെ റിമാൻഡ് റിപ്പോർട്ടിൽ പേര് വന്നതിന് പിന്നാലെ പ്രതികരണവുമായി നടി പ്രയാഗ മാർട്ടിൻ. കേസിൽ പൊലീസ് അന്വേഷണം നടക്കുന്നതിനിടെയാണ് ഇൻസ്റ്റ​ഗ്രാം സ്റ്റോറിയിലൂടെ താരത്തിന്റെ പ്രതികരണം.

'ഹ..ഹാ.ഹി..ഹു ഹോ! ' എന്നെഴുതിയ ഒരു ഫ്രെയിം ചെയ്ത ബോർഡാണ് പ്രയാ​ഗ പോസ്റ്റ് ചെയ്തത്. ഇപ്പോഴത്തെ സംഭവവികാസങ്ങളെ പരി​ഹസിച്ചാണ് നടിയുടെ ഈ ഇൻസ്റ്റ​ഗ്രാം സ്റ്റോറിയെന്നാണ് ആരാധകരുടെ വിലയിരുത്തൽ. അതേസമയം പ്രയാഗയുടെ ഇന്‍സ്റ്റഗ്രാം പ്രൊഫൈലില്‍ നിറയെ നെ​ഗറ്റീവ് കമന്റുകളും പരിഹാസ കമന്റുകളും വന്നു നിറയുകയാണ്. ഒരു മില്യണിലേറെ ഫോളോവേഴ്സുണ്ട് പ്രയാഗയ്ക്ക് ഇൻസ്റ്റ​ഗ്രാമിൽ.

സംഗീത ലഹരിക്കിടെ മോഷണപ്പൂരം, അലൻ വാക്കറുടെ സം​ഗീതനിശയിൽ 35 സ്മാർട്ട് ഫോണുകൾ നഷ്ടമായി

ഫാഷൻ ട്രെൻഡുകളിലും വളരെ അപ്ഡേറ്റാണ് താരം. അടുത്തിടെ പ്രയാ​ഗ നടത്തിയ മേക്കോവറുകളെല്ലാം സോഷ്യൽ മീ‍ഡിയയിൽ ശ്രദ്ധ നേടിയിരുന്നു. അതേസമയം ലഹരിക്കേസിൽ ശ്രീനാഥ്‌ ഭാസിയെയും പ്രയാഗ മാർട്ടിനേയും മരട് പൊലീസ് ഉടൻ ചോദ്യം ചെയ്യും. ഇരുവർക്കും സ്റ്റേഷനിൽ എത്താൻ മരട് പൊലീസ് നിർദേശം നൽകിയിട്ടുണ്ട്.