അതീവ ​ഗ്ലാമറസ്സായി ആരാധ്യ! 'സാരി'യിലെ വാട്ടറിങ് ഡാൻസ് പുറത്തുവിട്ട് ആർജിവി; രൂക്ഷ വിമർശനം

ഇൻസ്റ്റ​ഗ്രാം റീലുകളിലൂടെ വൈറലായ മലയാളി മോഡൽ ആരാധ്യ ദേവി (ശ്രീലക്ഷ്മി സതീഷ്) യുടെ ​ഗ്ലാമർ വിഡിയോയുമായി സംവിധായകൻ രാം ​ഗോപാൽ വർമ. വാട്ടറിങ് ദ് ഡാൻസ് എന്ന അടിക്കുറിപ്പോടെ രാം ​ഗോപാൽ വർമ്മ തന്റെ യൂട്യൂബ് ചാനലിലൂടെയാണ് വിഡിയോ പങ്കുവച്ചിരിക്കുന്നത്. അതീവ ​ഗ്ലാമറസായാണ് താരം വിഡിയോയിൽ പ്രത്യക്ഷപ്പെട്ടിരിക്കുന്നത്.

ആരാധ്യയെ നായികയാക്കി ആർജിവി ഒരുക്കുന്ന സാരി എന്ന സിനിമയിൽ‌ നിന്നുള്ള വിഡിയോയാണിത്. അതേസമയം വിഡിയോ പുറത്തുവന്നതിന് പിന്നാലെ നിരവധി പേരാണ് വിമർശനവുമായി രം​ഗത്തെത്തിയിരിക്കുന്നത്. ആ​ഗോഷ് വൈഷ്ണവം സംവിധാനം ചെയ്യുന്ന ചിത്രം സൈക്കോളജിക്കൽ‌ ത്രില്ലറായാണ് ഒരുങ്ങുന്നത്.

ആരാധ്യയുടെ ​ഗ്ലാമർ ചിത്രങ്ങളും വിഡിയോയും നിരന്തരം പോസ്റ്റ് ചെയ്യുന്ന ആർജിവിക്കെതിരെ സോഷ്യൽ മീ‍ഡിയയിൽ മുൻപും വിമർശനമുയർന്നിരുന്നു. ലോക സാരി ദിനത്തോടനുബന്ധിച്ചാണ് സാരിയെന്ന സിനിമയുടെ ഫസ്റ്റ് ലുക്ക് പോസ്റ്റർ സംവിധായകൻ പുറത്തുവിട്ടത്. ആർജിവിയും ആർവി ​ഗ്രൂപ്പും ചേർന്നാണ് ചിത്രം നിർമ്മിക്കുന്നത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

അഞ്ച് ഭാഷകളിലാണ് ചിത്രം റിലീസിനെത്തുക. സാരിയിലൂടെ സിനിമയിൽ അരങ്ങേറ്റം കുറിക്കുന്ന ശ്രീലക്ഷ്മിയുടെ പേര് ആരാധ്യ ​ദേവി എന്ന് മാറ്റിയ വിവരം ആർജിവി തന്നെയാണ് പുറത്തുവിട്ടത്. പരസ്യ ചിത്രങ്ങളിലും മോഡലിങ് രം​ഗത്തും വളരെ സജീവമാണിപ്പോൾ ആരാധ്യ.