ഓരോ ഫ്രെയിമിലും ഒരു ദേവദൂതന്റെ അനു​ഗ്രഹം പോലെ; മോഹൻലാൽ പറയുന്നു

24 വർഷങ്ങൾക്ക് ശേഷം ദേവദൂതൻ റീ റിലീസ് ചെയ്തപ്പോൾ മികച്ച സ്വീകാര്യതയാണ് തിയറ്ററുകളിൽ നിന്ന് ലഭിച്ചു കൊണ്ടിരിക്കുന്നത്. ഇപ്പോഴിതാ ദേവദൂതൻ റീ റിലീസിനെക്കുറിച്ച് മോഹൻലാൽ പങ്കുവെച്ച ഒരു കുറിപ്പാണ് സോഷ്യൽ മീഡിയയിൽ ശ്രദ്ധ നേടുന്നത്. 24 വർഷങ്ങൾക്കിപ്പുറം ദേവദൂതൻ താൻ വീണ്ടും കണ്ടുവെന്നാണ് മോഹൻലാൽ കുറിച്ചിരിക്കുന്നത്.

സിനിമയുടെ ഓരോ ഫ്രെയിമിലും ഒരു ദേവദൂതന്റെ അനുഗ്രഹം സ്പർശിക്കുന്നതുപോലെ, അസാധാരണമായ ചാരുത ചേർന്നിരിക്കുവെന്ന് മോഹൻലാൽ കുറിച്ചു. ഒപ്പം സിനിമയുടെ അണിയറപ്രവർത്തകരെ അദ്ദേഹം അഭിനന്ദിക്കുകയും ചെയ്തു. നിരവധി പേരാണ് മോഹൻലാലിന്റെ പോസ്റ്റിന് താഴെ കമന്റുമായെത്തിയിരിക്കുന്നത്.

'കാലം അതിന്റെ കടം തീർക്കുന്ന മനോഹരമായ കാഴ്ച, ഇങ്ങനെയൊരു തിരിച്ചു വരവും സ്വീകരണവും സ്വപ്നത്തിൽ പോലും പ്രതീക്ഷിച്ചിരിക്കില്ല ആരും' എന്നൊക്കെയാണ് ഭൂരിഭാ​ഗം പേരും കമന്റ് ബോക്സിൽ കുറിച്ചിരിക്കുന്നത്. ശബ്ദ മിശ്രണത്തിൽ മികവ് വരുത്തിയും സിനിമയിലെ ചില ഭാഗങ്ങൾ വെട്ടി 34 മിനിറ്റായി ചുരുക്കിയുമൊക്കെ മാറ്റങ്ങൾ വരുത്തിയാണ് ദേവദൂതൻ തിയറ്ററുകളിലെത്തിയത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

24 വർഷത്തിന് ശേഷം പ്രേക്ഷകർ ഇത്തരത്തിൽ ഏറ്റെടുക്കുമെന്ന് കരുതിയില്ലെന്ന് സംവിധായകൻ സിബി മലയിലും മാധ്യമങ്ങളോട് പറഞ്ഞിരുന്നു.