'തളർന്നു വീണപ്പോൾ താങ്ങും തണലുമായവൾ, ജീവിതത്തിൽ ചെയ്ത ഏറ്റവും വലിയ ശരി': 28ാം വിവാഹവാർഷിക ദിനത്തിൽ സലിം കുമാർ

28ാം വിവാഹ വാർഷികം ആഘോഷിച്ച് നടൻ സലിം കുമാറും ഭാര്യ സുനിതയും. സോഷ്യൽ മീഡിയയിൽ പങ്കുവച്ച കുറിപ്പിലൂടെയാണ് താരം ഭാര്യയ്ക്ക് വിവാഹാശംസകൾ അറിയിച്ചത്. തളർന്നു വീണപ്പോൾ എല്ലാം എനിക്ക് താങ്ങും തണലുമായി നിന്നത് തന്റെ ഭാര്യയും അമ്മയുമാണ് എന്നാണ് സലിം കുമാർ പറയുന്നത്. ജീവിതത്തിൽ ചെയ്ത ഏറ്റവും വലിയ ശരിക്ക് ഇന്ന് 28 വയസ്സായെന്ന് താരം കുറിച്ചു.

'എന്റെ ജീവിതയാത്രയിൽ ഞാൻ തളർന്നു വീണപ്പോൾ എല്ലാം എനിക്ക് താങ്ങും തണലുമായി നിന്നത് രണ്ട് "സ്ത്രീ മരങ്ങളാണ്," ഒന്ന് എന്റെ അമ്മയും മറ്റൊന്ന് എന്റെ ഭാര്യയുമാണ്. സുനിത എന്റെ ജീവിതത്തിലേക്ക് കടന്നു വന്നിട്ട് ഇന്നേക്ക് 28 വർഷം തികയുകയാണ് അതെ, ഞാൻ ജീവിതത്തിൽ ചെയ്ത ഏറ്റവും വലിയ ശരിക്ക് ഇന്ന് 28 വയസ്സ്'- സലിം കുമാർ കുറിച്ചു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

വിവാഹചിത്രത്തിനൊപ്പമാണ് താരത്തിന്റെ കുറിപ്പ്. നിരവധി പേരാണ് സലിം കുമാറിനും സുനിതയ്ക്കും ആശംസകളുമായി എത്തുന്നത്. 1996 സെപ്തംബർ 14നാണ് സലിം കുമാറും സുനിതയും വിവാഹിതരാകുന്നത്. ചന്തു, ആരോമൽ എന്നിവരാണ് മക്കൾ. ചന്തു അടുത്തിടെയാണ് സിനിമയിലേക്ക് അരങ്ങേറ്റം കുറിച്ചത്.