ഇടിക്കൂട്ടിൽ രാഷ്ട്രീയം പറയാൻ വീണ്ടും പാ രഞ്‌ജിത്, സാർപട്ടാ പരമ്പരൈ രണ്ടാം ഭാ​ഗം ഉടൻ 

ഇടിക്കൂട്ടിലേക്ക് വീണ്ടും പാ രഞ്‌ജിത്തിന്റെ സാര്‍പട്ടാ പരമ്പരൈ എത്തുന്നു. 2021 ജൂലൈയില്‍ ഒടിടിയില്‍ റിലീസ് ചെയ്ത ചിത്രത്തിന്റെ രണ്ടാം ഭാഗം ഉടനുണ്ടാകുമെന്ന് ചിത്രത്തിന്റെ പോസ്റ്റർ റിലീസ് ചെയ്ത് സംവിധായകൻ പാ രഞ്ജിത് ഫെയ്‌സ്‌ബുക്കിലൂടെ അറിയിച്ചു. നടൻ ആര്യയും 
സമൂഹമാധ്യമങ്ങളിലൂടെ പോസ്റ്റർ പങ്കുവെച്ചിട്ടുണ്ട്.

പഴയകാല മദ്രാസിന്റെ പശ്ചാത്തലത്തില്‍ ബോക്‌സിങ്ങും അതിലുണ്ടാകുന്ന കുടിപ്പകയുമൊക്കെ പറഞ്ഞുപോകുന്ന കഥയിലെ കബിലൻ മുനിരത്‌നം എന്ന കേന്ദ്ര കഥാപാത്രത്തെ ആര്യയാണ് അവതരിപ്പിച്ചത്. ആര്യയുടെ കരിയറിലെ തന്നെ ഏറ്റവും മികച്ച പ്രകടനമായിരുന്നു ഇത്. ചിത്രത്തിന്റെ രണ്ടാം ഭാ​ഗത്തിലും കേന്ദ്ര കഥാപാത്രത്തെ അവതരിപ്പിക്കുന്ന ആര്യ തന്നെയാണ്.

ജതിന്‍ സേത്തിയുടെ നാട് സ്റ്റുഡിയോസ്, പാ രഞ്ജിത്തിന്റെ നീലം പ്രൊഡക്ഷൻസും, ആര്യയുടെ ദി ഷോ പീപ്പിൾ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ചിത്രം തിയേറ്ററുകളിൽ റിലീസ് ചെയ്യാനാണ് തീരുമാനം. 

ഈ വാര്‍ത്ത കൂടി വായിക്കൂ 

സാമ്പത്തികമായി തകർന്നു, താമസം സുഹൃത്തിന്റെ വീട്ടിൽ, ചികിത്സയ്‌ക്ക് പണമില്ല, പിതാമ​ഗൻ നിർമാതാവിന് സഹായമൊരുക്കി സൂര്യ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ