'അതെന്‍റേതല്ല, സിനിമയിലെ വര്‍ക്ക് ഔട്ട് വിഡിയോ'

നടി മാലാ പാര്‍വതി നെഗറ്റീവ് വേഷത്തിലെത്തിയ സിനിമയാണ് 'മുറ'. രമാദേവി എന്ന വനിത ഗുണ്ടാ നേതാവായാണ് മാലാ പാര്‍വതി ചിത്രത്തില്‍ പ്രത്യക്ഷപ്പെട്ടത്. കഴിഞ്ഞ ദിവസം ആമസോണ്‍ പ്രൈമിലൂടെ ചിത്രം ഒടിടി റിലീസിനെത്തിയതോടെ സിനിമയിലെ നടിയുടെ ഒരു ക്ലിപ്പ് സമൂഹ മാധ്യമങ്ങളില്‍ വൈറലായിരിക്കുകയാണ്.

സോഷ്യല്‍ മീഡിയയില്‍ പ്രചരിക്കുന്ന വര്‍ക്ക് ഔട്ട് വീഡിയോയും ഫോട്ടോയും തന്റേതല്ലെന്ന് പറഞ്ഞിരിക്കുകയാണ് മാലാ പാര്‍വതി. സിനിമയിലെ കഥാപാത്രം ജിമ്മില്‍ വര്‍ക്കൗട്ട് ചെയ്യുന്ന വിഡിയോയും ചിത്രങ്ങളുമാണ് പ്രചരിക്കുന്നത്. ഈ രംഗത്തില്‍ മറ്റൊരാളാണോ അഭിനയിച്ചത് എന്ന ചോദ്യത്തിന് താന്‍ തന്നെയാണ് സിനിമയിലെ വര്‍ക്ക്ഔട്ട് രംഗത്തില്‍ പ്രത്യക്ഷപ്പെടുന്നതെന്ന് നടി മറുപടി നല്‍കി.

യുവതി മരിച്ച വിവരം അല്ലു അര്‍ജുന്‍ തീയറ്ററില്‍ വച്ച് അറിഞ്ഞു; താരം സിനിമ കാണല്‍ തുടര്‍ന്നു; തെളിവുകളുമായി പൊലീസ്

ഫെയ്സ്ബുക്കില്‍ പങ്കുവച്ച കുറിപ്പിലൂടെയാണ് മാലയുടെ പ്രതികരണം. 'മുറ' എന്ന സിനിമയില്‍ ജിമ്മില്‍ വര്‍ക്ക് ഔട്ട് ചെയ്യുന്ന ഒരു രംഗമുണ്ട്. അത് എന്റെ വര്‍ക്ക്ഔട്ട് വിഡിയോ ആയി തെറ്റിദ്ധരിച്ച് പലരും മെസേജ് അയയ്ക്കുന്നുണ്ട്. മുറ എന്ന ചിത്രത്തിലെ ഒരു രംഗമാണത്. സിനിമ കാണൂ. ആമസോണ്‍ പ്രൈം വിഡിയോയില്‍ കാണാമെന്നാണ് മാലാ പാര്‍വതി പറയുന്നത്. സുരാജ് വെഞ്ഞാറമൂട് ആണ് ചിത്രത്തിലെ നായകന്‍. ഹൃദു ഹാറൂണ്‍, ജോബിന്‍ ദാസ്, അനുജിത്ത് കണ്ണന്‍, യദു കൃഷ്ണന്‍, വിഘ്‌നേശ്വര്‍ സുരേഷ്, കൃഷ് ഹസന്‍, കനി കുസൃതി എന്നിവരാണ് മറ്റ് പ്രധാന വേഷങ്ങളില്‍ എത്തിയത്. സുരേഷ് ബാബുവാണ്. ചിത്രത്തിന്റെ രചന നിര്‍വഹിച്ചിരിക്കുന്നത്.