ആരാധകരെ ഭയപ്പെടുത്താനൊരുങ്ങി പ്രഭാസ് ; ’ദ് രാജാ സാബ്’ ടീസർ പുറത്ത്

പാൻ ഇന്ത്യൻ താരമായ പ്രഭാസി( Prabhas) ന്റെ ഹൊറർ കോമഡി സിനിമയായ ’ദ് രാജാ സാബ്’ ( The Rajasaab ) ന്റെ ടീസർ റിലീസ് ചെയ്തു. ദീർഘനാളത്തെ കാത്തിരിപ്പിനൊടുവിലെത്തിയ ടീസർ ഇപ്പോൾ സോഷ്യൽ മീഡിയയിൽ വൈറലാണ്. ഈ വർഷം ഡിസംബര്‍ 5ന് മാരുതി തിരക്കഥയെഴുതി സംവിധാനം ചെയ്യുന്ന ചിത്രം വേൾഡ് വൈഡ് തീയ്യറ്ററിലെത്തും.

കീര്‍ത്തി സുരേഷിന്റെ 'ഉപ്പു കപ്പുറമ്പു'; റിലീസ് ആമസോണ്‍ പ്രൈമില്‍; എന്നെത്തും?

ഭീതിയുടെ ലോകത്തേക്ക് പ്രേക്ഷകരെ കൊണ്ടുപോകുന്ന ദൃശ്യഭംഗിയും തമൻ എസ് ഒരുക്കിയിരിക്കുന്ന സംഗീതം കൂടിയെത്തുമ്പോൾ, ചിത്രം ഒരു പക്കാ കമേഴ്ഷ്യൽ എന്റർടെയ്‌നർ ആണെന്ന് ടീസറിലൂടെ വ്യക്തമാവുന്നു. രണ്ട് വ്യത്യസ്ത ലുക്കിലാണ് പ്രഭാസ് ചിത്രത്തിൽ അഭിനയിക്കുന്നത്. പ്രഭാസിനു പുറമേ ,മാളവിക മോഹൻ,നിധി അഗർവാള്‍, റിഥി കുമാർ തുടങ്ങിയവരും അഭിനയിക്കുന്നു. ഹൊററും തമാശയും കൂടിച്ചേർന്ന സിനിമ, പ്രഭാസിന്റെ കരിയറിൽ തന്നെ വ്യത്യസ്തമായൊരു പരീക്ഷണമാവുമെന്നും സിനിമാപ്രേമികൾ പ്രതീക്ഷിക്കുന്നു.

ധനുഷിന്റെ ആദ്യ തെലുങ്കു ചിത്രം “കുബേര”യുടെ ട്രെയിലര്‍ പുറത്ത്

ടീസർ പുറത്തിറങ്ങി മണിക്കൂറിനുള്ളിൽ തന്നെ മില്യൺ കണക്കിന് വ്യൂസ് സ്വന്തമാക്കി ട്രെൻഡിംഗിലേയ്ക്ക് കയറിയിരിക്കുകയാണ്. ഏവരേയും അതിശയിപ്പിക്കുന്ന അമാനുഷിക ഘടകങ്ങളും ചില മിത്തുകളും എന്ന വിശേഷണവുമായി എത്തുന്ന ഹൊറർ എൻറർടെയ്‌നറായണ് 'ദ് രാജാ സാബ്' തീയ്യറ്ററുകളിലെത്തുന്നത്. തെലുങ്ക്, തമിഴ്, മലയാളം, കന്നഡ, ഹിന്ദി എന്നീ അഞ്ച് ഭാഷകളിലായി പാൻ ഇന്ത്യൻ ചിത്രമായി പ്രദർശനത്തിനെത്തുന്ന ചിത്രം പീപ്പിൾ മീഡിയ ഫാക്ടറിയുടെ ബാനറിൽ ടിജി വിശ്വപ്രസാദാണ് നിർമിക്കുന്നത്.