വാൽപ്പാറയിൽ കരടിയുടെ ആക്രമണത്തിൽ എസ്റ്റേറ്റ് സൂപ്പർവൈസർക്ക് ഗുരുതര പരിക്ക്
കുറുക്കുവഴിയിലൂടെ നടന്നുപോകുമ്പോൾ ആക്രമണം
Bear Attack Valparai
Last Updated :7 October 2026, 12:57 pm IST
Edited by :Damodaran K
വാൽപ്പാറ: വാൽപ്പാറയ്ക്ക് സമീപം തേയിലത്തോട്ടത്തിന് നടുവിലൂടെ നടന്നുപോവുകയായിരുന്ന എസ്റ്റേറ്റ് സൂപ്പർവൈസർക്ക് നേരെ കരടിയുടെ ആക്രമണം. പച്ചമല എസ്റ്റേറ്റിന്റെ നോർത്ത് ഡിവിഷനിലെ സൂപ്പർവൈസറായ മോസസിനാണ് (58) വന്യമൃഗത്തിന്റെ ആക്രമണത്തിൽ ഗുരുതരമായി പരിക്കേറ്റത്.
'റോട്ടിക്കട' മേഖലയിലുള്ള ഒരു ബന്ധുവിന്റെ വീട് സന്ദർശിച്ച ശേഷം തിരികെ ജോലിസ്ഥലത്തേക്ക് കുറുക്കുവഴിയിലൂടെ നടന്നുപോവുകയായിരുന്നു മോസസ്. ഇതിനിടെ തേയിലച്ചെടികൾക്കിടയിൽ പതിയിരുന്ന കരടി പെട്ടെന്ന് ഇയാളുടെ നേർക്ക് ചാടിവീണ് ആക്രമിക്കുകയായിരുന്നു. നിലത്തു വീണ മോസസ് ജീവൻ രക്ഷിക്കാൻ കരടിയോട് മല്ലിടുകയും ഉറക്കെ നിലവിളിക്കുകയും ചെയ്തു. ബഹളം കേട്ട് സമീപത്തുണ്ടായിരുന്ന നാട്ടുകാരും തോട്ടം തൊഴിലാളികളും വനംവകുപ്പ് ഉദ്യോഗസ്ഥരും ഓടിയെത്തിയതോടെയാണ് കരടി കാട്ടിലേക്ക് പിൻവാങ്ങിയത്. തുടർന്ന് മോസസിനെ ഉടൻതന്നെ വാൽപ്പാറ സർക്കാർ ആശുപത്രിയിൽ എത്തിച്ചു. പ്രാഥമിക ചികിത്സ നൽകിയെങ്കിലും ശരീരമാസകലം ആഴത്തിലുള്ള മുറിവുകളേറ്റതിനാൽ വിദഗ്ദ്ധ ചികിത്സയ്ക്കായി അദ്ദേഹത്തെ പൊള്ളാച്ചി സർക്കാർ ആശുപത്രിയിലേക്ക് മാറ്റി.
News Now
'ലോകകപ്പില്‍ ബുംറയ്ക്കൊപ്പം ഭുവനേശ്വറും കളിക്കും?' സര്‍പ്രൈസ് തിരിച്ചുവരവില്‍ വന്‍ പ്രവചനം
'ജനാധിപത്യം തിരിച്ചു കൊണ്ടുവരാന്‍ വേണ്ടി നടത്തുന്ന സമരം; രാഹുല്‍ ആവേശം പകരുന്ന നേതാവ്'
ഇന്ത്യന്‍ മാതൃകയില്‍ 'എസ്‌ഐആര്‍' നടപ്പാക്കാന്‍ ട്രംപ്; പൗരത്വ പരിശോധനയ്‌ക്ക് ഒരുങ്ങി അമേരിക്ക
'നാളെയും പ്രതിഷേധം'; മാര്‍ച്ച് തടയാം എന്നാല്‍ ജനങ്ങളുടെ ഇച്ഛാശക്തിയെ തടയാന്‍ കഴിയില്ല: രാഹുല്‍ഗാന്ധി
Summary
An estate supervisor sustained severe injuries after being ambushed and mauled by a wild bear while returning through a shortcut route near Pachamala Estate in Valparai.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
