ഈ ​ഗാനം ചേട്ടന്മാർക്കും അവരുടെ രാപ്പാടികൾക്കുമായി; സൂപ്പർഹിറ്റ് ​ഗാനത്തിന് കവറുമായി അഞ്ച് ​ഗായകർ; വിഡിയോ

വെണ്ണിലാകൊമ്പിലെ രാപ്പാടി എന്നും ഈയേട്ടന്റെ ചിങ്കാരീ- ഉസ്താദ് സിനിമയിലെ മോഹൻലാൽ കഥാപാത്രത്തിന് തന്റെ സഹോദരിയോടുള്ള സ്നേഹം നിറഞ്ഞു നിൽക്കുന്നതാണ് ഈ ​ഗാനം. എന്നാൽ ഈ ​ഗാനം പതിഞ്ഞത് മലയാളികളുടെ മനസിലാണ്. സഹോദരിയോടുള്ള സ്നേഹം പറയാൻ ഇതിലും മനോഹരമായ ​ഗാനമില്ല. ഇപ്പോൾ ഈ ​ഗാനത്തിന്റെ കവർ വേർഷനുമായി എത്തിയിരിക്കുകയാണ് അഞ്ച് ​ഗായകർ. 

രാഹുല്‍ ലക്ഷ്മണ്‍, പ്രതീഷ് ഗംഗാധരന്‍, അര്‍ജുന്‍ ബി. നായര്‍, രോഹിത്ത് അനീഷ്, ഗോകുല്‍ ആര്‍. കൃഷ്ണ എന്നിവര്‍ ചേര്‍ന്നാണ് ​ഗാനം  ആലപിച്ചിരിക്കുന്നത്. വനിതാ ദിനത്തോട് അനുബന്ധിച്ച് പുറത്തിറക്കിയ ​ഗാനം എല്ലാ സഹോദരന്‍മാര്‍ക്കും അവരുടെ സഹോദരിമാര്‍ക്കുമായാണ് സമർപ്പിച്ചത്. രാഹുല്‍ ലക്ഷ്മണ്‍ തന്നെയാണ് ആശയവും സംവിധാനവും. 

കീ ബോര്‍ഡ് & പ്രോഗ്രാമിങ് സിബിന്‍ പോളും മിക്‌സ് & മാസ്റ്റര്‍ സജീന്‍ ജയരാജും നിര്‍വഹിച്ചിരിക്കുന്നു. ക്യാമറയും എഡിറ്റിങ്ങും വിപിന്‍ എസ്. നായരും അസിസ്റ്റന്റ് ക്യാമറ എം. ജി. രാജനും ആണ്. ഗിരീഷ് പുത്തഞ്ചേരിയുടെ വരികൾക്ക് വിദ്യാസാഗറിന്റെ ഈണത്തിൽ യേശുദാസും ശ്രീനിവാസും ചേർന്നാണ് ആലപിച്ചത്.