നടൻ വിശാലിന്റെ വീടിനു നേരെ അജ്ഞാതരുടെ ആക്രമം; കല്ലേറിൽ ​ഗ്ലാസുകൾ തകർന്നു, അന്വേഷണം

ചെന്നൈ; തമിഴ് നടൻ വിശാലിന്റെ വീടിനു നേരെ അജ്ഞാതരുടെ ആക്രമണം. ചെന്നൈ അണ്ണാന​ഗറിലെ താരത്തിന്റെ വീടിനു നേരെ ഒരു സംഘം ആളുകൾ കല്ലെറിയുകയായിരുന്നു. തിങ്കളാഴ്ച രാത്രിയാണ് സംഭവമുണ്ടായത്. ആക്രമണത്തിൽ ബാൽക്കണിയിലെ ​ഗ്ലാസുകൾ തകരുകയും വീടിന് മറ്റ് കേടുപാടുകൾ സംഭവിക്കുകയും ചെയ്തു. 

മാതാപിതാക്കൾക്കൊപ്പമാണ് അണ്ണാ​ന​ഗറിലെ വീട്ടിൽ വിശാൽ താമസിക്കുന്നത്. വീട്ടിലെ സിസിടിവി ദൃശ്യങ്ങളിൽ നിന്ന് ചുവന്ന കാറിലെത്തിയ ഒരു സംഘമാളുകളാണ് ആക്രമണത്തിന് പിന്നിലെന്ന് കണ്ടെത്തിയിട്ടുണ്ട്. ഈ ദൃശ്യങ്ങളും വിശാൽ പൊലീസിന് കൈമാറിയി. താരത്തിന്റെ മാനേജർ ഹരികൃഷ്ണ മുഖേനയാണ് പൊലീസ് പരാതി നൽകിയത്. കേസ് രജിസ്റ്റർ ചെയ്ത പൊലീസ് അന്വേഷണം ആരംഭിച്ചു. 

തമിഴ് സിനിമാ താരങ്ങളുടെ സംഘടനയായ നടികർ സംഘത്തിന്റെ ജനറൽ സെക്രട്ടറി കൂടിയാണ് വിശാൽ. എ വിനോദ് കുമാർ സംവിധാനം ചെയ്യുന്ന ലാത്തിയാണ് വിശാലിന്റേതായി പ്രദർശനത്തിന് തയ്യാറെടുക്കുന്ന ചിത്രം. ഓ​ഗസ്റ്റിൽ റിലീസാകേണ്ടിയിരുന്ന ചിത്രത്തിന്റെ റിലീസ് മാറ്റിവെയ്ക്കുകയായിരുന്നു. ആധിക് രവിചന്ദർ സംവിധാനം ചെയ്യുന്ന മാർക്ക് ആന്റണിയാണ് ചിത്രീകരണത്തിലുള്ള സിനിമ.

ഈ വാര്‍ത്ത കൂടി വായിക്കൂ 

അങ്ങനെയൊന്നും അത് പറ്റില്ല ചീരു ചേട്ടാ, ​'ഗോഡ് ഫാദർ' ട്രെയിലറിന് മലയാളികളുടെ ട്രോൾ; ചർച്ചയായി മോഹൻലാലിന്റെ 'ലൂസിഫർ കിക്ക്'

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ