രജിത് കുമാർ നായകനാകുന്നു, ഒപ്പം പവനും; ചിത്രം അഞ്ജലി 

പ്രമുഖ റിയാലിറ്റി ഷോ താരം ഡോ. രജിത് കുമാർ കേന്ദ്രകഥാപാത്രമാകുന്ന ചിത്രം അണിയറയിൽ ഒരുങ്ങുന്നു.  അഞ്ജലി പ്രൊഡക്‌ഷന്‍സിന്റെ പുതിയ സിനിമയായ ‘അഞ്ജലി’ യിലാണ് രജിത് ആദ്യമായി ബി​ഗ് സ്ക്രീനിലെത്തുന്നത്. രജിത്തിനൊപ്പം ഷോയിലെ മറ്റൊരു മത്സരാർത്ഥിയായ പവൻ ജിനോ തോമസും ചിത്രത്തിൽ ശ്രദ്ധേയ വേഷത്തിൽ എത്തുന്നുണ്ട്. 

ഇന്ത്യയിലും അമേരിക്കയിലുമായാണ് ചിത്രത്തിന്റെ ഷൂട്ടിങ്.  മെയ് ആദ്യവാരം സിനിമയുടെ ചിത്രീകരണം തുടങ്ങും.ആറ്റിങ്ങല്‍ സ്വദേശികളായ രഞ്ജിത്ത് പിള്ള , മുഹമ്മദ് ഷാ കൂട്ടുകെട്ടാണ് ആണ് ചിത്രത്തിന്റെ സംവിധാനം നിര്‍വഹിക്കുന്നത്.

അഞ്ജലി എന്റെര്‍റ്റൈന്മെന്റ്‌സിന്റെ രണ്ട് ചിത്രങ്ങളാണ് അണിയറയിൽ ഒരുങ്ങുന്നത്. പ്രശസ്ത സംവിധായകന്‍ വികെ കരീം അണിയിച്ചൊരുക്കിയ താമര അടുത്ത് മാസം റിലീസിന് ഒരുങ്ങുകയാണ്.