വീണ്ടും മഞ്ജു-റോഷന്‍ ടീം; ചിത്രം, പ്രതി പൂവന്‍ കോഴി  

‍

'ഹൗ ഓള്‍ഡ് ആര്‍ യു' എന്ന ചിത്രത്തിന് ശേഷം മഞ്ജുവാര്യരും റോഷന്‍ ആന്‍ഡ്രൂസും വീണ്ടും ഒന്നിക്കുന്നു. പ്രതി പൂവന്‍ കോഴി ആണ് മഞ്ജു-റോഷന്‍ ടീമിന്റെ പുതിയ ചിത്രം. ഉണ്ണി ആറിന്റെ ഏറെ ചര്‍ച്ചയായ നോവലാണ് പ്രതി പൂവന്‍ കോഴി. 

നോവൽ സിനിമയാകുമ്പോൾ തിരക്കഥ ഒരുക്കുന്നതും ഉണ്ണി ആർ തന്നെയാണ്. ഗോകുലം മൂവീസിന്റെ ബാനറില്‍ ഗോകുലം ഗോപാലന്‍ ആണ് ചിത്രത്തിന്റെ നിർമാണം. ഇന്നുമുതൽ ചിത്രീകരണം ആരംഭിക്കും. 

മഞ്ജുവിന്റെ സിനിമയിലേക്കുള്ള തിരിച്ചുവരവായിരുന്നു റോഷൻ ആൻഡ്രൂസ് ചിത്രം ഹൗ ഓള്‍ഡ് ആര്‍ യു. പ്രായത്തെ നിഷ്പ്രഭമാക്കുന്ന പെൺ കരുത്തിന്റെ കഥപറഞ്ഞ ചിത്രത്തിലെ നിരുപമ എന്ന മഞ്ജുവിന്റെ കഥാപാത്രം ഏറെ പ്രശംസ നേടിയിരുന്നു. ഇപ്പോൾ വീണ്ടും ഇരുവരും ഒന്നിക്കുമ്പോൾ പ്രതീക്ഷയിലാണ് സിനിമാ പ്രേമികൾ.