സംവിധായകന്‍ വിജയ് പുനര്‍വിവാഹത്തിനൊരുങ്ങുന്നുവോ??

തമിഴ് സിനിമാ സംവിധായകന്‍ വിജയും അമലാ പോളും നാലു വര്‍ഷങ്ങള്‍ക്ക് മുന്‍പ് 2014ല്‍ ആയിരുന്നു വിവാഹിതരായത്. ഇവരുടേത് പ്രണയവിവാഹമായിരുന്നെങ്കിലും ബന്ധം അധികകാലം നീണ്ടുനിന്നില്ല. ക്രിസ്ത്രീയ ആചാര പ്രകാരവും ഹിന്ദു മതാചാര പ്രകാരവും ഇവര്‍ വിവാഹിതരായിരുന്നു. എന്നാല്‍ 2017ല്‍ ഇരുവരും വിവാഹ മോചനം നേടി.

വിവാഹമോചനത്തിന് ശേഷം അമല പോള്‍ വീണ്ടും സിനിമയില്‍ സജീവമായി. വിജയ് പുനര്‍വിവാഹത്തിനൊരുങ്ങുകയാണ് എന്നാണ് തമിഴ് മാധ്യമങ്ങളില്‍ നിന്നറിയുന്ന പുതിയ വാര്‍ത്ത. അദ്ദേഹത്തിന്റെ മാതാപിതാക്കള്‍ വധുവിനായി ഊര്‍ജിതമായി അന്വേഷണം നടത്തുകയാണ്. ഈ വര്‍ഷം തന്നെ വിവാഹം ഉണ്ടാകും എന്നാണ് വാര്‍ത്തകള്‍. എന്നാല്‍ ഇതെല്ലാം വെറും വാര്‍ത്തകള്‍ മാത്രമാണെന്നാണ് വിജയോട് അടുത്തുനില്‍ക്കുന്നവര്‍ പറയുന്നത്.

2011ല്‍ വിക്രം നായകനായ ദൈവത്തിരുമകളില്‍ എന്ന ചിത്രത്തില്‍ അഭിനയിക്കുമ്പോഴാണ് അമല വിജയുമായി അടുക്കുന്നത്. പിന്നീട് വിജയ് തന്നെ സംവിധാനം ചെയ്ത തലൈവയിലും അമല നായികയായി എത്തിയിരുന്നു. തമിഴിലെ നിരവധി ഹിറ്റു സിനിമകളൊരുക്കിയ സംവിധായകനാണ് വിജയ്. 'തലൈവ' 'കിരീടം' എന്നീ ചിത്രങ്ങളെല്ലാം അദ്ദേഹത്തിന്റെ കരിയറിലെ സൂപ്പര്‍ ഹിറ്റുകളായിരുന്നു.