പൊതുസ്ഥലത്ത് വെച്ച് കുട്ടിയെ ഉപദ്രവിച്ചു; യുവാവിന് ഒരു ​ ല​ക്ഷം ദിർഹം പിഴ വിധിച്ച് അബുദാബി കോടതി

അബുദാബി: പൊതുസ്ഥലത്ത് വെച്ച് പ്രാ​യ​പൂ​ര്‍ത്തി​യാ​വാ​ത്ത കു​ട്ടി​യെ അ​സ​ഭ്യം പറയുകയും ശാ​രീ​രി​ക​മാ​യി ഉപദ്രവിക്കുകയും ചെയ്ത യുവാവിന് പിഴ ശിക്ഷ വിധിച്ച് അബുദാബി കോടതി. ഒരു ​ ല​ക്ഷം ദി​ര്‍ഹമാണ് പി​ഴയായി ചു​മ​ത്തിയത്. പ്രതിയുടെ ഈ പെരുമാറ്റത്തിലൂടെ കുട്ടിക്ക് മാനസികമായും ശാരീരികമായും ഉണ്ടായ ബുദ്ധിമുട്ടുകൾ കണക്കിലെടുത്താണ് കടുത്ത ശിക്ഷ പ്രതിക്ക് നൽകിയത് എന്നും കോടതി വ്യക്തമാക്കി.

നിരവധി ആളുകൾ കൂടി നിൽക്കെയാണ് പ്രതി കുട്ടിയോട് അപമര്യാദയായി പെരുമാറിയത്. ഇത് കു​ട്ടി​യെ കൂ​ടു​ത​ല്‍ വി​ഷ​മ​ത്തി​ലാ​ക്കി. കുട്ടിയെ ഇയാൾ അ​ടി​ക്കു​ക​യും അ​ശ്ലീ​ല ആം​ഗ്യം കാ​ണി​ക്കു​ക​യും ചെ​യ്ത​താ​യി കോടതി കണ്ടെത്തി. ഈ സംഭവങ്ങളെല്ലാം കുട്ടിയ്ക്ക് വലിയ ബുദ്ധിമുട്ടുകൾ ഉണ്ടാക്കിയതായും കോടതിയുടെ വിധിയിൽ പറയുന്നു.

യു എ ഇ നീതിന്യായവ്യവസ്ഥ കുട്ടികളുടെ അന്തസ്സിനും സുരക്ഷയ്ക്കുമാണ് മുൻഗണന നൽകുന്നത്. തുടർന്നും കുട്ടികൾക്കെതിരായ ആക്രമണങ്ങൾക്കെതിരേ കർശന നിലപാടുകൾ സ്വീകരിക്കുമെന്ന് അധികൃതർ വ്യക്തമാക്കി.

കോ​ട​തി​ച്ചെ​ല​വു​ക​ളും പ്ര​തി​യി​ല്‍നി​ന്ന് ഈ​ടാ​ക്കി ന​ല്‍ക​ണ​മെ​ന്ന കു​ട്ടി​യു​ടെ പി​താ​വിന്റെ ആവശ്യവും കോടതി അംഗീകരിച്ചു. ഒ​രു ​ല​ക്ഷം ദി​ര്‍ഹം പി​ഴയ്ക്ക് പുറമെ കോടതിച്ചെലവുകളും പരാതിയിൽ നിന്ന് ഈടാക്കണമെന്ന് കോടതിയുടെ വിധിയിൽ പറയുന്നു.